શિક્ષણ ને વધુ સુદ્રઢ બનાવવા માટે સરકાર અવનવા ગતકડા અમલમાં મૂકી રહી છે, ત્યારે વલસાડના કપરાડાની પ્રાથમિક શાળામાં આજે પણ પાયાની સુવિધા નથી.
આકરા તાપમાં અભ્યાસ કરતા બાળકો
વૃક્ષ નીચે બેસી અભ્યાસ કરવા મજબૂર
જિલ્લા શિક્ષણ તંત્ર ઘોર નિંદ્રામાં
એક તરફ શિક્ષણ બાબતે સરકાર મોટા મોટા વાયદાઓ કરી રહી છે, તો બીજી બાજું રાજ્યની સરકારી શાળાઓમાં પ્રાથમિક સુવિદ્યાઓ અભાવને કારણે વિદ્યાર્થીઓ સહિત શિક્ષકોએ વેઠવાનો વારો આવ્યો છે. કેટલીક સ્કૂલોમાં વિદ્યાર્થીઓને પૂરતા ઓરડાના અભાવે બાળકોને આકરા તાપમાં ખુલ્લામાં અભ્યાસ કરવા મજબૂર બન્યા છે. જે સરકારની શિક્ષણ વ્યવસ્થા પર પ્રશ્નો ઉભા કરી રહ્યા છે.
વલસાડના કપરાડામાં સર્વ શિક્ષા અભિયાનની પોલ ખોલતા દ્રશ્યો આવ્યા સામે
વલસાડના કપરાડામાં ખાતુનિયા પ્રાથમિક શાળાના વિદ્યાર્થીઓ તંત્રના વાંકે અને વ્યવસ્થાના અભાવે આકરા તાપમાં ઝાડ નીચે બેસીને અભ્યાસ કરવા વિદ્યાર્થીઓ મજબૂર બન્યાં છે. આમ ઝાડ નીચે ભણતા હોવા થી શિક્ષણ વિભાગ ઉઘાડું પડ્યું છે. તેમ છતાં જિલ્લાનું શિક્ષણ તંત્ર ઘોર નિંદ્રામાં પોઢી રહ્યું છે. શિક્ષણ ને વધુ સુદ્રઢ બનાવવા માટે ગુજરાત સરકાર અવનવા ગતકડા અમલમાં મૂકી રહી છે, ત્યારે વલસાડના કપરાડામાં ખાતુનિયા પ્રાથમિક શાળાના વિદ્યાર્થીઓ પાયાની સુવિદ્યા માટે આડે પણ ઉપલબ્ધ નથી. વર્ષો જૂની શાળામાં બનેલા મકાનોને જર્જરિત બની ચુક્યાં છે. જેને કારણે વિદ્યાર્થીઓ હાલમાં નીચે બેસીને શિક્ષણ લેવાની ફરજ પડી રહી છે.
ખાતુનીયા પ્રાથમિક શાળાના બાળકો માટે નથી પૂરતા ઓરડા
વલસાડના કપરાડા ગામે આવેલી પ્રાથમિક શાળામાં ધોરણ 8 માટે કુલ 3 જેટલા ઓરડા આવેલા છે જે હાલ ખુબ જ જર્જરીત હાલતમાં છે. જેના કારણે આ ઓરડામાં કોઈપણ વિદ્યાર્થીને બેસાડી શિક્ષણ આપી શકાય તેમ નથી. તેથી વિદ્યાર્થીઓને બહાર બેસાડી શિક્ષણ આપવામાં આવી રહ્યું છે. ઉલ્લેખનીય છે કે, ચોમાસામાં તો વિદ્યાર્થીઓની હાલત દયનીય બની જાય છે. જો કે, શાળાના શિક્ષકો દ્વારા વારંવારની રજૂઆત કરવામાં આવી છે. પરંતુ જિલ્લા શિક્ષણ તંત્ર ઘોર નિદ્રામાં છે.
Vtvના સળગતા સવાલો
- શું આવી રીતે શિક્ષણનું સ્તર સુધરશે?
- બાળકોની મજબૂરીનો કોઇ ઇલાજ નથી?
- બાળકો માટે સુવિધા કેમ ઉભી કરાતી નથી?
- માત્ર 3 ઓરડામાં વિદ્યાર્થીઓ કેવી રીતે ભણશે?
- રજૂઆતને જિલ્લા શિક્ષણ તંત્ર કેમ ધ્યાને લેતું નથી?
- વૃક્ષ નીચે બેસીને વિદ્યાર્થીઓ કેવી રીતે ભણી શકે?
- ચોમાસામાં વિદ્યાર્થીઓ કેવી રીતે ભણતા હશે?
- શું શિક્ષણ વિભાગને વિદ્યાર્થીઓના ભવિષ્યની કંઇ પડી નથી?
- આકરા તાપમાં અભ્યાસ કરતા વિદ્યાર્થીઓ નથી દેખાતા?
- ખાતુનીયા પ્રાથમિક શાળામાં પુરતા ઓરડા કેમ નથી બનાવાતા?