મધ્ય પ્રદેશના સાગરમાં જૈન મંદિર પરિસરમાં બાળક સાથે મારપીટનો મામલો સામે આવ્યો છે. મંદિરના પૂજારીએ પહેલા તો તેને માર્યો અને બાદમાં પરિસરમાં એક થાંભલા સાથે બાંધી દીધો હતો. આ દરમિયાન બાળક ચિસો પાડતો રહ્યો, બચાઓ બચાઓની બૂમો પાડતો રહ્યો. આ ઘટનાનો વીડિયો હાલમાં સોશિયલ મીડિયા પર ખૂબ વાયરલ થઈ રહ્યો છે. જેમાં પૂજારી આ બાળકને રસી વડે બાંધતો દેખાય છે.
સાગરમાં મોતીનગરમાં આવેલા છોટા કરીલા જૈન મંદિરનો વીડિયો સામે આવ્યા બાદ બાળકના પરિવારે પોલીસમાં ફરિયાદ નોંધાવી છે. ત્યાર બાદ શુક્રવારે રાતે આરોપી પૂજારી રાકેશ જૈન વિરુદ્ધ ફરિયાદ દાખલ કરવામાં આવી છે. આ બાજૂ મંદિરના પૂજારીનું કહેવુ છે કે, બાળકે પૂજાની થાળીમાંથી બદામ ચોરી હતી.
બાળક છુટવા માટે કણસતો રહ્યો, પૂજારી રહેમ ન કરી
વીડિયોમાં બાળકને પૂજારીની સાથે સાથે અન્ય એક યુવક તેને પકડી રાખે છે. તે રડતા રડતા છોડી મુકવા માટે આજીજી કરી રહ્યો છે. રાકેશ બળજબરીપૂર્વક તેને થાંભલા સાથે બાંધી રહ્યો છે. બાળકના રોવાના અવાજ સાંભળીને આજૂબાજૂના અમુક લોકો તેને બચાવવા માટે પહોંચ્યા, પણ રાકેશે તેને ભગાડી મુક્યા.
મામલામાં રાકેશ જૈનનું કહેવુ છે કે, બે બાળક ચોરી કરવા માટે મંદિર પર આવ્યા હતા. જેમાંથી એક ભાગી ગયો. બીજાને પકડી લીધો. તે પણ ભાગી ન જાય એટલા માટે તેને બાંધી રાખ્યો હતો. તેણે પૂજાની થાળીમાંથી બદામ ઉઠાવીને ખિસ્સામાં મુકી દીધી હતી.
બાળકે હૈવાનિયતને દાસ્તાન જણાવી
બાળકે જણાવ્યું કે, હું ભાઈબંધ સાથે મંદિરમાં ઊભો હતો. પૂજારી અમને પકડીને અંદર લઈ ગયા. તેમણે અમારા પર ચોરી કરવાનો આરોપ લગાવ્યો અને મારવા લાગ્યા. બાદમાં લાત ઘુ્સા પણ માર્યા. ત્યારે બાદ બહાર રસી વડે બાંધી દીધો. હું તેમને છોડી મુકવા માટે કહેતો રહ્યો, પણ તેમને એક વાત ન સાંભળી.