મોંઘવારી / અહીં 113 રૂપિયે પહોંચ્યો પેટ્રોલનો ભાવ, સામાન્ય માણસને મરો, જાણો તમારા શહેરનાં હાલ

• આજે પેટ્રોલમાં 80 પૈસા, ડીઝલમાં 80 પૈસાનો વધારો
• અમદાવાદમાં પેટ્રોલ 98.31 અને ડીઝલ 92.43 રૂપિયા પ્રતિ લિટર
• એક સપ્તાહમાં પેટ્રોલમાં 3.20 રૂપિયાનો વધારો

દેશમાં પેટ્રોલ અને ડીઝલના ભાવ આસમાને છે. ભારતીય તેલ કંપનીઓએ આજે એટલે કે 26 માર્ચે ફરી એકવાર પેટ્રોલ અને ડીઝલના ભાવમાં વધારો કર્યો છે.આમ પેટ્રોલ અને ડીઝલની વધતી કિંતમોથી હાલ લોકોને રાહત મળવાની આશા દેખાઈ રહી નથી. ઈંધણના ભાવમાં સતત વધારો થઈ રહ્યો છે. ઓઇલ કંપનીઓ 5 દિવસમાં 4 વખત ભાવ વધારો કરી ચુકી છે. ફરી એકવાર પેટ્રોલ અને ડીઝલના ભાવમાં 80 પૈસાનો વધારો કરવામાં આવ્યો છે. નવી કિંમતો શનિવાર સવારે 6 વાગ્યાથી લાગુ કરવામાં આવ્યા છે. 

અમદાવાદમાં આ હશે ભાવ 

સાર્વજનિક ક્ષેત્રની ઓઈલ કંપનીઓ તરફથી જાહેર કરાયેલા જાહેરનામા મુજબ,અમાદાવાદમાં શુક્રવારે જ્યાં પેટ્રોલના ભાવ 97.81 પ્રતિ લિટર મળી રહ્યું હતું. જે હવે તેમાં 80 પૈસાના વધારાની સાથે તેની કિંમત 98.61 રૂપિયા પ્રતિલટર થઈ ગયું જ્યારે ડીઝલના ભાવ પહેલાથી 91.63 રૂપિયા હતાં. ત્યારે હવે શનિવારથી તેના ભાવ વધીને 92.43 રૂપિયા પ્રતિ લિટર થયો છે. 

બાલાઘાટમાં પેટ્રોલની કિંમત 113 રૂપિયાને પાર કરી ગઈ છે

પેટ્રોલની વધતી કિંમતો દેશભરમાં સર્વોચ્ચ સપાટીએ પહોંચી ગઈ છે. તે જ સમયે, મધ્ય પ્રદેશના બાલાઘાટમાં પેટ્રોલની કિંમત 113.03 રૂપિયા પ્રતિ લીટર પર પહોંચી ગઈ છે. જ્યારે ડીઝલ ₹96.30 પ્રતિ લિટર વેચાઈ રહ્યું છે.

એક સપ્તાહમાં આટલા રૂપિયા મોંઘું થયું પેટ્રોલ

કંપનીઓ દ્વારા સતત ઓઇલના ભાવમાં વધારો કરવામાં આવી રહ્યો છે જેના કારણે લોકોનું બજેટ ખોરવાઈ રહ્યું છે. છેલ્લા પાંચ દિવસમાં 4 વખત ઓઇલ કંપનીઓ દ્વારા ભાવ વધારવામાં આવ્યો છે. એટલે કે 5 દિવસમાં પેટ્રોલ અને ડીઝલના ભાવમાં 3.20 રૂપિયા વધારો થયો છે.

હજુ થઈ શકે છે ભાવમાં વધારો

દેશમાં પેટ્રોલ અને ડીઝલના ભાવમાં વધારો સતત થઈ રહ્યો છે. બંનેની કિંમતમાં ફરી એકવાર 80 પૈસા પ્રતિ લિટરનો વધારો કરવામાં આવ્યો છે. જાણકારો અનુસાર પેટ્રોલ અને ડીઝલના ભાવમાં હજુ પણ વધારો થઈ શકે છે.

શહેરનું નામ         પેટ્રોલ         ડીઝલ

દિલ્હી                  98.61         89.87
મુંબઈ                  113.35        97.55
કોલકાતા             108.02        93.01
ચેન્નાઈ                 104.43        94.47
અમદાવાદ            98.31         92.43