રસોઈ ગેસ સિલિન્ડરના ભાવ આગામી અઠવાડિયે વધી શકે છે. સુત્રોએ આ માહિતી આપી છે. આની પહેલા 6 ઓક્ટોબરે રસોઈ ગેસ સિલિન્ડરના ભાવ 15 રૂપિયા વધારવામાં આવ્યાં હતા. જુલાઈથી 14.2 કિલોગ્રામવાળાં રસોઈ ગેસ સિલિન્ડરના ભાવ 90 રૂપિયા વધ્યાં છે.
ના હોય ! આ વખતે ગૃહિણીઓની દિવાળી બગડશે?
ફરી એક વખત LPG ગેસના ભાવમાં થશે વધારો
સિલિન્ડરના ભાવ કેટલા વધશે તે નક્કી કરશે સરકાર
રસોઈ ગેસ સિલિન્ડરમાં ભાવ કેટલા વધશે તે સરકાર નક્કી કરશે
આ દરમ્યાન બે દિવસના વિરામ બાદ બુધવારે વાહનના ઈંધણની કિંમતમાં ફરી એક વખત વધારો થયો. પેટ્રોલ અને ડીઝલના બંનેના ભાવ 35-35 પૈસા લીટરે વધી ગયા છે. સુત્રોએ જણાવ્યું કે એલપીજી મામલે ખર્ચથી ઓછા મૂલ્ય પર વેચાણથી થતુ નુકસાન 100 રૂપિયા પ્રતિ સિલિન્ડર પહોંચી ગયુ છે. જેના કારણે તેની કિંમતમાં વધારો થઇ શકે છે. સુત્રોએ જણાવ્યું કે રસોઈ ગેસ સિલિન્ડરના ભાવ કેટલા વધશે. જે સરકારની મંજૂરી પર નિર્ભર રાખે છે. અગાઉ છ ઓક્ટોબરે રસોઈ ગેસ સિલિન્ડરના ભાવ 15 રૂપિયા વધારવામાં આવ્યાં હતા. જુલાઈ મહિનાથી 14.2 કિલોગ્રામવાળા રસોઈ ગેસ સિલિન્ડરના ભાવ 90 રૂપિયા વધી ગયા છે.
પેટ્રોલિયમ કંપનીઓને સરકાર તરફથી કોઈ રાહત નથી
સુત્રો મુજબ, જાહેર ક્ષેત્રની પેટ્રોલિયમ માર્કેટીંગ કંપનીઓનો છુટક ભાવ, ખર્ચને અનુરૂપ કરવાની પરવાનગી આપવામાં આવી નથી. આ સિવાય આ અંતરથી બહાર આવવા માટે અત્યાર સુધી સરકાર તરફથી કોઈ સબસિડી પણ આપવામાં આવી નથી. તેમણે કહ્યું કે આંતરરાષ્ટ્રીય સ્તરે કિંમતમાં વધારા વચ્ચે એલપીજીના વેચાણ પર થયેલુ નુકસાન સિલિન્ડર દીઠ 100 રૂપિયા પહોંચી ગયુ છે.
સાઉદી અરબમાં 800 ડોલર પ્રતિ ટન થયો એલપીજીનો દર
તો સાઉદી અરબમાં એલપીજીનો ભાવ આ મહિને 60 ટકા ઉછાળાની સાથે 800 ડોલર પ્રતિ ટન થયો છે. જ્યારે આંતરરાષ્ટ્રીય બેન્ચમાર્ક બ્રેન્ટ ક્રૂડ ઓઈલ 85.42 ડોલર પ્રતિ બેરલ પહોંચ્યો છે. બીજા એક સુત્રના દાવા મુજબ, એલપીજી અત્યારે નિયંત્રિત કરાયેલી કોમોડિટી છે. એવામાં ટેકનિકલ રીતે સરકાર તેના છૂટક ભાવ નક્કી કરી શકે છે. પરંતુ આમ કરવાથી સરકારને પેટ્રોલિયમ કંપનીઓના ખર્ચથી ઓછી કિંમતે વેચાણ દ્વારા થતાં નુકસાનને પુરુ કરવુ પડશે.