ફટાફટ / સોનાની કિંમતમાં ફરી આવ્યો છે ઉછાળો, ખરીદવાનો વિચાર હોય તો પેલા ચેક કરી લો લેટેસ્ટ રેટ

• સોના ચાંદીની કિંમતમાં ફરી એક વખત તેજી
• માંગ વધતાં તેની કિંમતમાં થોડો વધારો જોવા મળ્યો છે
• આવનાર સમયમાં સોનામાં રોકાણકારોની સંખ્યામાં વધારો થશે

સોના ચાંદીની કિંમતમાં ફરી એક વખત તેજી જોવા મળી રહી છે. ગ્લોબલ માર્કેટમાં ભારે ઉતાર ચઢાવ પછી પણ ભારતીય બજારમાં સોના ચાંદીની કિંમતોમાં ખાસ્સો એવો બદલવા નજરમાં આવતો નથી. આજે સોનાની કિંમતમાં સામાન્ય વધારો જોવા મળ્યો છે જ્યારે ચાંદીની કિંમતમાં આજે ઘટાડો થયો છે. 

મલ્ટી કોમોડિટી એક્સ્ચેન્જ પર આજે સવારે 24 કેરેટ સોનાની કિંમત આજે 2 રૂપિયા વધીને 50,781 રૂપિયા પ્રતિ 10 ગ્રામે પંહોચી છે. જો કે આજે સવારે સોનાની કિંમત 50,709 રૂપિયા હતી પછી માંગ વધતાં તેની કિંમતમાં થોડો વધારો જોવા મળ્યો છે.  

સોનાની કિંમતમાં વધારો જોવા મળ્યો છે પણ આજે ચાંદીના ભાવમાં થોડો ઘટાડો જોવા મળી રહ્યો છે. મલ્ટી કોમોડિટી એક્સ્ચેન્જ પર આવે ચાંદીની કિંમત 170 રૂપિયા ઘટીને 56,961 રૂપિયાની સપાટીએ પંહોચી છે. જો કે દિવસની શરૂઆતમાં ચાંદીની કિંમત 57,069 રૂપિયા પ્રતિ કિલો હતી પણ એ પછી માંગ ઘટતા કિંમતમાં થોડો ઘટાડો જોવા મળ્યો હતો. 

ગ્લોબલ માર્કેટમાં સોના-ચાંદીની કિંમત 
ગ્લોબલ માર્કેટમાં આજે સોનાની કિંમતમાં તેજી જોવા મળી હતી. અમેરિકન બજારમાં સોનાની કિંમત 1,740.52 ડોલર પ્રતિ ઔંસ રહી. જે તેની પાછલી બંધ કિંમત કરતાં 1.38 ટકા ઓછી છે. 

ગ્લોબલ માર્કેટમાં આજે ચાંદીની કિંમતમાં ઘટાડો જોવા મળ્યો હતો. અમેરિકન બજારમાં ચાંદીની કિંમત 19.19ડોલર પ્રતિ ઔંસ રહી. જે તેની પાછલી બંધ કિંમત કરતાં  0.03 ટકા વધારે છે. 

કમોડીટી એક્સપર્ટનું કહેવું છે કે જે રીતે ગ્લોબલ શેર બજાર તૂટી રહ્યું છે એ જોઇને લાગી રહ્યું છે કે આવનાર સમયમાં સોનામાં રોકાણકારોની સંખ્યામાં વધારો થશે. જો કે હાલ બજારમાં જો તમે રોકાણ કર્યું હોય અને તમારા પોર્ટફોલીયોમાં સોનામાં રોકાણ કરેલ છે તો તેને એમ જ રાખો, આવનાર સમયમાં ગ્લોબલ માર્કેટ સાથે ભારતીય માર્કેટમાં પણ સોનાની માંગ વધશે અને કિંમતોમાં ભારે ઉછાળ આવશે.