જુનાગઢ / ગુજરાતના માછીમારોને થશે મોટો ફાયદો: કેન્દ્રીયમંત્રી રૂપાલાએ ડીઝલ સસ્તું કરવાની આપી બાંહેધરી, જુઓ શું કહ્યું

• કેન્દ્રીયમંત્રી પુરુષોત્તમ રૂપાલાનું નિવેદન
• "માછીમારોને મળતું ડીઝલ 3 થી 4 રૂપિયા સસ્તું થશે"
• "સરકાર માછીમારોને આપશે રાહત"

મત્સ્યપાલન,પશુપાલન અને ડેરી મંત્રાલયના મંત્રી પુરુષોત્તમ રૂપાલા આજે માંગરોળ બંદર ખાતે સાગર પરિક્રમા યાત્રા અંતર્ગત આવ્યા હતા. આ પ્રવાસ દરમિયાન તેઓએ નજીકથી માછીમારોની સમસ્યાઓ જાણવાનો પ્રયાસ કર્યો હતો. અને માછીમારો માટે મોટી જાહેરાત કરતાં કહ્યું હતું કે માછીમારોને મળતું ડીઝલ સસ્તું કરવામાં આવશે.

ખેડૂતોની KCC યોજનામાં માછીમારોને સમાવી લેવાયા: પુરષોત્તમ રૂપાલા
પુરુષોત્તમ રૂપાલાએ માંડવીથી સાગર પરિક્રમા યાત્રા શરૂ કરી છે અને હવે પછી આગળ પણ દરિયાઈ પટ્ટીના દરેક બંદરની મુલાકાત લઈ માછીમારો સાથે રહી તેમની મુશ્કેલીઓ અને પરિસ્થિતિનો ચિતાર મેળવશે. રૂપાલાએ કહ્યું હતું કે AC ઓફિસમાં બેસી લોકોની પરિસ્થિતિ કે પ્રશ્નોની માહિતી નથી મેળવી શકાતી. માછીમારો માટે જે પણ અનુકૂળ હશે તે ભારત સરકાર અને ગુજરાત સરકાર કરવા હંમેશા તત્પર છે.ત્યારે ખેડૂતોની KCC યોજના કે જે માત્ર ખેડૂતો માટે હતી પરંતુ હવે એ યોજના નો લાભ માછીમારોને પણ આપવાનો નિર્ણય ભારત સરકાર અને કેન્દ્ર સરકાર દ્વારા લેવામાં આવ્યો છે.  જેમાં 0 ટકા વ્યાજે માછીમારોને સબસિડીનો લાભ આપવામાં આવી રહ્યો છે.  વહેલી તકે બેંકમાં માછીમારોને ખાતા ખોલાવવા માટે પણ અપીલ કરી છે. 

ડીઝલ 3 થી 4 રૂપિયા સસ્તું થશે: પુરષોત્તમ રૂપાલા
જ્યારે ડીઝલના ભાવમાં જે વધારો થયો છે તે વિસંગતતા પણ વહેલી તકે દૂર કરવા બાહેંધરી આપી છે. ફીશીંગ બોટમાં ડીઝલ રૂપિયા 3 થી 4 જેટલુ મોંઘું મળે છે જેથી આગામી સમયમાં સરકાર માછીમારો માટે ઈંધણમાં રાહત  આપશે તેવી જાહેરાત પણ કરી હતી. જેટી મુદ્દે પણ યોગ્ય તપાસ થશે તેવી દિલાસો પણ વ્યક્ત કર્યો છે. વધુમાં ભારત સરકાર અને ગુજરાત સરકારની મત્સ્યઉદ્યોગ સંબંધિત કલ્યાણી યોજના વિશે માહિતી આપી હતી.  

કાર્યક્રમમાં કોણ કોણ હતું હાજર?
સાંસદ રાજેશ ચુડાસમા, ફિશરીઝ ચેરમેન વેલજીભાઈ મસાણી,પૂર્વ ધારાસભ્ય ભગવાનજીભાઈ કર્ગઠીયા ,ભાજપ શહેર પ્રમુખ સહિત ભાજપ ના હોદેદારો અને કાર્યકર્તાઓ, ફિઝરીઝ અધિકારીઓ, કમિશ્નરો સહિત ઉપસ્થિત રહ્યા હતા ત્યારે ખારવા સમાજ મોટી સંખ્યામાં સભા સ્થળ પર ઉપસ્થિતિ રહ્યો હતો અને શાળાની બાળાઓ દ્વારા કલા કૃતિ રજુ કરી રૂપાલાનું ભવ્ય સ્વાગત કરવામાં આવ્યું હતું.