સારવાર / મતદાનમાં ચાલુ ફરજે પ્રિસાઇડિંગ ઓફિસરને આવ્યો હાર્ટ એટેક, સ્થાનિકોની મદદથી તાત્કાલિક ખસેડાયા હોસ્પિટલ

• કાલોલ તાલુકાના અલાલી બૂથના પ્રિસાઇડિંગ ઓફિસરને આવ્યો હાર્ટ એટેક
• પ્રિસાઇડિંગ ઓફિસરને 108 મારફતે હોસ્પિટલ લઈ જવાયા
• પ્રિસાઇડિંગ ઓફિસર ગોધરા સિવિલ હોસ્પિલમાં સારવાર હેઠળ

 ગુજરાત વિધાનસભાની ચૂંટણીનું બીજા તબક્કાનું મતદાન હાલમાં ચાલી રહ્યું છે. ત્યારે 4 વાગ્યા સુધી 54 ટકા મતદાન થવા પામ્યું છે. બીજા તબક્કાની 93 બેઠક માટે મતદાન પૂર્ણ થવામાં હવે ગણતરીના કલાકો બાકી છે. રાજ્યના 14 જિલ્લાના 26 હજાર 409 મતદાન મથકો પર મતદાન ચાલી રહ્યું છે. જેમાં 8,533 શહેરી મતદાન મથકો અને 17 હજાર 876 ગ્રામ્ય વિસ્તારના મતદાન મથકોનો સમાવેશ થાય છે. આજે 14 જિલ્લાના 2 કરોડ 51 લાખ 58 હજાર 730 મતદારો પોતાના મત્તાધિકારનો ઉપયોગ કરશે. બીજા તબક્કાની 93 બેઠકો પર કુલ 833 ઉમેદવારો મેદાનમાં છે. બીજા તબક્કામાં મુખ્યમંત્રી, 8 મંત્રી અને 60 સિટીંગ ધારાસભ્યો સહિત ભાજપ, કોંગ્રેસ-NCP અને આપના 279 ઉમેદવારો સહિત કુલ 833 ઉમેદવારોનું ભાવિ EVMમાં સીલ થશે. આગામી 8મી ડિસેમ્બરના રોજ મતગણતરી હાથ ધરવામાં આવશે.

પ્રિસાઇડિંગ ઓફિસરને 108 મારફતે હોસ્પિટલ લઈ જવાયા
હાલ બીજા તબક્કાનું મતદાન ચાલી રહ્યું છે. ત્યારે મતદાન પૂર્ણ થવામાં હવે એક કલાક બાકી છે. ત્યારે કાલોલ તાલુકાના અલાલી બૂથના પ્રિસાઇડિંગ ઓફિસરને અચાનક  હાર્ટ એટેક આવતા તાાત્કાલીક 108 મારફત તેઓને સારવાર અર્થે લઈ જવામાં આવ્યા હતા. પ્રિસાઈડિંગ ઓફિસરને એટેક આવતા હાજર સ્થાનિકો તાત્કાલીક દોડી આવ્યા હતા. 108 એમ્બ્યુલન્સ આવતા તેઓને સારવાર અર્થે ગોધરા સિવિલ હોસ્પિટલ ખાતે લઈ જવામાં આવ્યા હતા. જ્યાં હાલ તેઓ સારવાર હેઠળ છે.

બપોરે 4 વાગ્યા સુધીમાં 54% મતદાન
સૌથી વધુ સાબરકાંઠા જિલ્લામાં 61% મતદાન
સૌથી ઓછુ અમદાવાદ જિલ્લામાં 48% મતદાન
બનાસકાંઠા જિલ્લામાં 59% મતદાન
પાટણ જિલ્લામાં 54% મતદાન
મહેસાણા જિલ્લામાં 55% મતદાન
સાબરકાંઠા જિલ્લામાં 61% મતદાન
અરવલ્લી જિલ્લામાં 58% મતદાન
ગાંધીનગર જિલ્લામાં 56% મતદાન
અમદાવાદ જિલ્લામાં 48% મતદાન
આણંદ જિલ્લામાં 57% મતદાન
ખેડા જિલ્લામાં 57% મતદાન
મહિસાગર જિલ્લામાં 52% મતદાન
પંચમહાલ જિલ્લામાં 57% મતદાન
દાહોદ જિલ્લામાં 50% મતદાન
વડોદરા જિલ્લામાં 53% મતદાન
છોટાઉદેપુર જિલ્લામાં 58% મતદાન