સાઉથ આફ્રિકામાં કોરોનાના નવા બે વેરિયન્ટ BA.4 and BA.5 સામે આવતા વિશ્વ આરોગ્ય સંગઠન એલર્ટ થયું છે.
દુનિયામાં કોરોનાના નવા વેરિયન્ટ આવતા રહેશેઆગાહી સાચી પડી
સાઉથ આફ્રિકામાં કોરોનાના બે નવા વેરિયન્ટ સામે આવ્યાં
નામ અપાયા BA.4 and BA.5 વેરિયન્ટ
કોરોનાના ઓમિક્રોન વેરિયન્ટના પેટા વેરિયન્ટ મળવાનો સિલસિલો ચાલુ છે. મીડિયા રિપોર્ટ અનુસાર, દક્ષિણ આફ્રિકામાં ઓમિક્રોનના બે પેટા વેરિયન્ટ મળ્યાં છે. વૈજ્ઞાનિકોએ તેને BA.4 and BA.5 નામ આપ્યાં છે. નવા વેરિયન્ટને કારણે સાઉથ આફ્રિકા સહિત દુનિયાના બીજા દેશોમાં કોરોના કેસોમાં વધારો થઈ રહ્યો છે.
બોત્સવાના, જર્મની, બેલ્જિયમ, ડેનમાર્ક અને બ્રિટનમાં નોંધાયા કેસ
સાઉથ આફ્રિકામાં જીનોમ સિકવન્સિંગ ઈન્સ્ટીટ્યુટ ચલાવનાર નિષ્ણાંત ટ્યુલિયો ડિ ઓલિવીરાએ કહ્યું કે બીએ.4 અને બીએ.5ની હાજરી સાઉથ આફ્રિકાની સાથે સાથે બોત્સવાના, જર્મની, બેલ્જિયમ, ડેનમાર્ક અને બ્રિટનમાં પણ જોવા મળ્યાં છે. પરંતુ હોસ્પિટલમાં દાખલ થનાર દર્દીઓની સંખ્યા ઘણી ઓછી છે. સંક્રમણને કારણે જાન ગુમાવનરની સંખ્યા ઘણી ઓછી છે તેથી આ સબ વેરિયન્ટને કારણે હાલમાં ચિંતા કરવાની જરુર નથી.
નવા વેરિયન્ટ પર વિશ્વ આરોગ્ય સંગઠનની નજર
વિશ્વ આરોગ્ય સંગઠને એવું જણાવ્યું કે અમે નવા વેરિયન્ટ પર બારીકાઈથી નજર રાખી રહ્યાં છીએ. હાલમાં ગભરાવવાની જરુર નથી.
10 દેશોમાં શરુ થઈ કોરોનાની ચોથી લહેર
જો કે ચિંતાજનક વાત એ છે કે 10 દેશ એવા છે જ્યાં કોરોનાની ચોથી લહેરે દસ્તક આપી છે. જેમાં અમેરિકા, બ્રાઝિલ, જર્મની, ઓસ્ટ્રેલિયા, રશિયા, ઇટાલી, ફ્રાન્સ, જાપાન, થાઇલેન્ડ, દક્ષિણ કોરિયા અને ઓસ્ટ્રિયાનો સમાવેશ થાય છે. છેલ્લા સાત દિવસના આંકડા પર નજર કરવામાં આવે તો દક્ષિણ કોરિયામાં સૌથી વધુ 14 લાખ દર્દીઓ જોવા મળ્યા હતા. આ દરમિયાન 2100 લોકોએ જીવ ગુમાવ્યા હતા. સાત દિવસમાં જર્મનીમાં 10 લાખ અને ફ્રાન્સમાં 90 લાખ લોકો સંક્રમિત મળી આવ્યા હતા.