પોર્નોગ્રાફી કેસ મામલે આજે બોમ્બે હાઈકોર્ટમાં રાજકુન્દ્રા સામે સુનાવણી કરવામાં આવી. જેમા પોલીસે કહ્યું કે તેમણે કુલ 48TB જેટલો પોર્ન ડેટા રિકવર કર્યો છે
બોમ્બે હાઈકોર્ટમાં આજે કેસની સુનાવણી કરવામાં આવી
પોલીસે 48 TBનો પોર્ન ડેટા કર્યો રિકવર
બનેવી સાથે ઈ મેઈલમાં વાતચીત કરી હોવાનો ખુલાસો
પોર્નોગ્રાફી કેસમાં આજે રાજકુન્દ્રા સામે બોમ્બે હાઈકોર્ટમાં સુનાવણી થઈ. બંને પક્ષના વકીલોએ તેમની દલીલ મુકી હતી. પબ્લિક પ્રોસિક્યૂટરે બોમ્બે હાઈકોર્ટને કહ્યું કે મુંબઈ ક્રાઈમબ્રાંચે 48 TB ડેટા રિકવર કર્યો છે. જેમા બે એપ્લીકેશનની 51 પોર્ન ફિલ્મો પોલીસે જપ્ત કરી છે. સાથેજ ધરપકડનું કારણ પણ મુંબઈ ક્રાઈમ બ્રાંચે જણાવ્યું છે.
વોટ્સએપ ગ્રુપ ચેટ ડિલીટ કરી
ક્રાઈમ બ્રાંચનું કહેવું છે કે રાજ કુન્દ્રા અને રયામ થોરપેએ વોટ્ટએસ ગ્રુપની ચેટ ડિલીટ કરી. જેમા તેમની સામે પુરાવાઓ હતા. જેના કારણે તેમની ધરપકડ કરવામાં આવી હતી. રાજકુન્દ્રાના એકાઉન્ટન્ટે ધરપકડના એક દિવસ પહેલા બધો ડેટા ડિલીટ કર્યો હતો તેવું પોલીસનું કહેવું છે.
બનેવી સાથે વાતચીત કરી
સમગ્ર મામલે પબ્લિક પ્રોસિક્યૂટરે કહ્યું કે રાજ કુન્દ્રાએ તેના બનેવી સાથે ઈમેલ દ્વારા વાત કરી જે વાતચીત હોટશોટ એપને લઈને છે. તેના બનેવીનું નામ પ્રદીપ બખ્શી છે જે લંડનમાં એક ખાનગી કંપનીના માલિક છે.
પોલીસને પોર્ન વીડિયો મળ્યા
સમગ્ર મામલે પોલીસને પોર્ન વીડિયો મળી આવ્યા છે. સાથેજ એપ્લીકેશનમાં સબસ્ક્રિપ્શન લીધેલા ગ્રાહકોનો ડેટા પણ મળી આવ્યો છે. જોકે રાજ કુન્દ્રાના વકીલે આ મામલે કહ્યું છે કે પોલીસ રિમાન્ડમાં કોઈ પણ પ્રકારની ચેટનો ઉલ્લેખ કરવામાં નથી આવ્યો. જેથી આ મામલે હવે સોમવારે ફરી સુનાવણી કરવામાં આવશે.
14 દિવસના રિમાન્ડ પર
ઉલ્લેખનીય છે કે શિલ્પા શે્ટીના પતિ રાજ કુન્દ્રાની પોર્ન ફિલ્મો બનાવા બદલ ધરપકડ કરવામાં આવી છે. જે મામલે હાલ તે 14 દિવસના પોલીસ રિમાન્ડમાં છે. જોકે આ મામલે શિલ્પાશેટ્ટીને પણ હજુ સુધી ક્લીન ચીટ આપવામાં નથી આવી.