રાજનીતિ / ફડણવીસ સરકારે બનાવ્યો ભાજપને ન ગમે તેવો રેકોર્ડ, આ મુખ્યમંત્રીઓની યાદીમાં આવ્યું નામ

• દેવેન્દ્ર ફડણવીસે ત્રણ દિવસમાં આપ્યું રાજીનામું 
• જગદંબિકા પાલ રાતે મુખ્યમંત્રી બન્યા સવારે હાઈકોર્ટે નિર્ણય પલટ્યો 
• યેદિયુરપ્પાની સરકાર ત્રણ દિવસમાં પડી ગયી હતી

2019માં ત્રણ દિવસ રહી ફડણવીસ સરકાર

આમ જોઈએ તો, ઉતાવળે બનેલી ફડણવીસ સરકાર માંડ ત્રણ દિવસ ટકી શકી હતી. અજિત પવારના ભરોસે ખૂટતા ધારાસભ્યોનું સમર્થન બાદમાં મેળવી લેશે તેમ વિચારી દેવેન્દ્ર ફડણવીસે શનિવારે એટલે કે 23 નવેમ્બરે સવારે CM તરીકે શપથ લઈ લીધા હતાં. મામલો સુપ્રીમમાં પહોંચતા બહુમત સાબિત કરવાની નોબત આવી હતી જેમાં અજિત પવાર પણ ફસકી જતાં સમગ્ર પ્લાન ફ્લોપ થયો હતો અને લગભગ 78 કલાકમાં CM પદેથી દેવેન્દ્ર ફડણવીસને રાજીનામું આપવું પડ્યું હતું.

ફડણવીસ પણ હવે આ લિસ્ટમાં મોખરે 

દેવેન્દ્ર ફડણવીસ હવે દેશમાં સૌથી ઓછા સમય માટેના મુખ્યમંત્રીઓની લિસ્ટમાં સામેલ થઇ ગયા છે.નોંધનીય છે કે ભાજપના જ બીએસ યેદીયુરપ્પા પણ આ જ પ્રકારે ત્રણ દિવસમાં રાજીનામુ આપી દેવું પડ્યું હતું. વર્ષ 2018માં યેદિયુરપ્પા મુખ્યમંત્રી બન્યા તે બાદ ત્રીજા દિવસે બહુમત સાબિત ન કરી શક્યા જે બાદ રાજગાદી હાથમાંથી જતી રહી. આ સિવાય ઘણા એવા મુખ્યમંત્રીઓ છે જેમને ખુબ ઓછા સમય માટે સત્તા મળી હતી. 

રાત્રે શપથ લીધી સવારે રાજીનામું 

સૌથી ઓછા સમયના મુખ્યમંત્રીઓમાં જગદંબિકા પાલ સૌથી ઉપર આવે છે. 1998માં કલ્યાણસિંહની સરકારને હટાવ્યા બાદ 21 ફેબ્રુઆરીના રોજ મોદી રાત્રે જગદંબિકા પાલે મુખ્યમંત્રી પદના શપથ લીધા હતા. પરંતુ બીજા જ દિવસે સવારે ઈલાહાબાદ હાઇકોર્ટે તે નિર્ણયને પલટી દીધો જે બાદ તે માત્ર એક દિવસના મુખ્યમંત્રી તરીકે ઓળખાય છે. આ સિવાય 2007માં પણ બીએસ યેદીયુરપ્પાએ માત્ર આઠ દિવસ સુધી મુખ્યમંત્રી પદ મળ્યું. ઓમપ્રકાશ ચૌટાલા 1990 અને 1991માં અનુક્રમે માત્ર 5 અને 4 દિવસ સુધી મુખ્યમંત્રી પદ મળ્યું હતું.