ક્યુબામાં ટેક-ઓફની થોડી જ વારમાં પ્લેન થયું  ક્રેશ 104 મુસાફરો હતા સવાર

ક્યુબાના પાટનગર હવાનામાં એક વિમાન ટેક-ઓફની થોડી જ વારમાં ક્રેશ થઈ ગયું હતું. ગઈ કાલે એટલે કે શુક્રવારે આ ઘટના જોસ માર્ટી ઈન્ટરનેશનલ એરપોર્ટ નજીક બની હતી.



આ ઘટના બનતા ક્યુબાના એરલાઈનનું બોઈંગ 737 વિમાન ટેક-ઓફની થોડી વારમાં જ દુર્ઘટનાગ્રસ્ત થઈ ગયું હતું. આ દુર્ઘટનામાં મૃત્યુઆંક અંગે કોઈ સત્તાવાર સ્પષ્ટતા નથી કરવામાં આવી. 

જોકે ઘટનાસ્થળની તસવીરો જોતા અકસ્માત ગંભીર હોવાનું જણાય છે અને પ્લેનના ફુરચે ફુરચા ઉડી ગયા હતા. રેડિયો હવાના ક્યુબાના જણાવ્યા મુજબ આ ડોમેસ્ટિક ફ્લાઈટ હતી જે હવાનાથી પૂર્વ તરફ હોલગુઈન જઈ રહી હતી. 



વિમાનમાં 104 મુસાફરો સવાર હતા. ઘટના બાદ આગ ઓલવવા માટે અગ્નિશમન દળની ગાડીઓ ઘટનાસ્થળે પહોંચી ગઈ હતી અને મોટી સંખ્યામાં પોલીસ તૈનાત કરી દેવાઈ હતી. એજન્સીના મતે ઘટનાના સાક્ષીએ જણાવ્યું હતું કે એરપોર્ટ પાસે કાળા ઘૂમાડાના ગોટા ઉડતા જોવા મળ્યા હતા. જોકે હજી સુધી આ દુર્ઘટના પાછળનું કારણ જાળવા મળ્યું નથી.