અવસાન / પ્લેન ક્રેશ થતાં આ એક્ટર સહિત 6 લોકોના મોત, ચાહકો થયાં શોક મગ્ન  

• વધુ એક સ્ટારનું નિધન 
• પ્લેન ક્રેશમાં થયુ અવસાન
• ટાર્ઝન બનીને લોકોને કર્યા એન્ટરટેઇન

1990માં ટાર્ઝન સિરીયલમાં ટાર્ઝનનું મુખ્ય પાત્ર ભજવનાર વિલિયમ જોસેફ લારાનું પ્લેનક્રેશમાં મૃત્યુ થયુ છે. આ ઘટના શનિવારે ઘટી હતી. 

58 વર્ષના જો તેની પત્ની ગ્વેન સહિત 5 અન્ય લોકોની મોત પણ થઇ છે. કહેવામાં આવી રહ્યું છે કે જો સહીત અન્ય 7 લોકો નાના જેટમાં મુસાફરી કરી રહ્યાં હતા અને Tennesse તળાવ પાસે પ્લેન પડી ગયુ હતુ. આ મુદ્દે પોલીસે આગળની તપાસ હાથ ધરી છે. 

રિપોર્ટ અનુસાર પોલીસ આ સાતેય લોકોની લાશ શોધી રહી છે. રવિવારે રડાર કાઉન્ટી ફાયર રેસક્યૂના કેપ્ટન જોન ઇંગલે કહ્યું કે, પર્સી પ્રિસ્ટ લેકમાં તપાસ ચાલી રહી છે. તળાવ પાસે આ દુર્ઘટના ઘટી છે અને ડેડબોડી હજુ મળી નછી. 

કોણ હતો જો લારા 

જો લારાનો જન્મ સેન ડિએગોમાં 2 ઓક્ટોબર 1962માં થયો હતો. તેણે પોતાના કરિયરની શરૂઆત મૉડલિંગથી કરી હતી અને બાદમાં તેને ટાર્ઝનમાં લીડ રોલ મળ્યો હતો. 1996થી 1997 વચ્ચે ઓનઍર થયેલી ટાર્ઝનમાં 22 એપિસોડમાં જોએ પોતાનું ટેલેન્ટ બતાવ્યું હતુ. જોએ ટાર્ઝન સિવાય અમેરિકન સાઇબોર્ગ સ્ટીલ વોરિયર, સ્ટીલ ફ્રંટીયર, વોરહેડ, ડૂમ્સડેર અને ટીવી શો બેવોચ અને કોનાન ધ એડવેન્ચરમાં કામ કર્યુ હતુ. તેને છેલ્લે 2018માં આવેલી ફિલ્મ સમર ઓફ 67માં જોવામાં આવ્યો હતો.