પહેલી ડિસેમ્બરથી ગુજરાત સહિત દેશભરના તમામ ટોલપ્લાઝા પર ફાસ્ટ ટેગનો અમલ થઇ રહ્યો છે. જેના કારણે સ્થાનિક લોકો માટે થોડી મુશ્કેલી પડશે. અત્યાર સુધી ટોલ પ્લાઝાની તમામ લેન પર રોકડ રકમથી ચૂકવણી થતી હતી. ત્યારે હવે ફાસ્ટ ટેગ થઇ જશે તો સ્થાનિક લોકો પણ જો ટેગ લગાવેલ વાહન લઇ પસાર થશે તો તેમની પાસેથી પણ અન્ય વાહનચાલકો જેટલો જ મહત્તમ ટોલટેકસ કપાશે.
સ્થાનિકો માટે હજુ સુધી કોઇ સ્પષ્ટ નિર્ણય કરાયો નહીં
સ્થાનિક લોકો પણ જો ટેગ લગાવેલ વાહન લઇ પસાર થશે તો તેમની પાસેથી પણ અન્ય વાહનચાલકો જેટલો જ મહત્તમ ટોલટેકસ કપાશે
ફાસ્ટ ટેગ લેવાની સાથે સ્થાનિકોએ ટોલ પ્લાઝા પર એન્ટ્રી નોંધ કરાવવા માટે ધક્કા ખાવા પડશે
20 કિ.મી.ના વિસ્તારના લોકોને ટોલ અને ફાસ્ટટેગથી નુકસાન થશે
જ્યારે પણ ટોલપ્લાઝાથી સ્થાનિક લોકો પસાર થતા હતા ત્યારે રોકડમાં નિયત થયેલાં મામુલી રકમની ચૂકવણી કરવી પડતી હતી. પરંતુ ફાસ્ટટેગમાં તેવું નહીં બને. આ બાબતે ટોલપ્લાઝના સૂત્રોના જણાવ્યા મુજબ ફાસ્ટટેગ એ ઓટો પ્રોગ્રામ છે. સમગ્ર સિસ્ટમ કમ્પ્યૂટરરાઇઝ હોવાથી વાહન પસાર થાય ત્યારે તે સ્થાનિક છે કે નહીં તેની ખબર નહીં પડે માટે હવે પછી જો સ્થાનિક હોવાની જે તે વાહનમાલિકને છૂટ જોઇતી હોય તેને ફાસ્ટ ટેગમાંથી પસાર થવું હોય તો તેની એન્ટ્રી નોન ટોલપ્લાઝા પર કરાવવી પડશે.
અગાઉ સ્થાનિકો પાસેથી ઓછો ટેક્સ વસુલાતો હતો
20 કિ.મી.ના વિસ્તારમાં રહેતા હોય અને તેમનો વિસ્તાર સરકારે જે નકશો મંજૂર કર્યો હોય તેમાં સમાવિષ્ટ હોય તેને જ સ્થાનિક માનવામાં આવશે. ફાસ્ટ ટેગ લેવાની સાથે સ્થાનિકોએ ટોલ પ્લાઝા પર એન્ટ્રી નોંધ કરાવવા માટે ધક્કા ખાવા પડશે. તેના વગર લેનમાં જશે તો વધુ રૂપિયા કપાશે અને જો રોકડની ચૂકવણી કરવી પડે તો લાઇનમાં ઊભા રહેવું પડશે.
1લી ડિસેમ્બર પછી સ્થાનિકો અવઢવમાં મુકાશે
આ બાબતે નવી વ્યવસ્થાની ૧લી ડિસેમ્બરના ફાસ્ટ ટેગ અમલીકરણ પછી જ ખબર પડશે. ટોલ પ્લાઝા એન્ટ્રી નોંધ કરાવવા માટે વાહનમાલિકે પાનકાર્ડ, ઓળખકાર્ડ, વાહનનો રજિસ્ટ્રેશન નંબર, રહેઠાણના પુરાવા અને ફાસ્ટ ટેગ નંબર બતાવવો પડશે. જોકે સ્થાનિકો માટે હજુ સુધી કોઇ સ્પષ્ટ નિર્ણય કરાયો નહીં હોય ને ૧લી ડિસેમ્બરે જ ટોલપ્લાઝાની ર૦ કિ.મી. સુધીના વિસ્તારમાં લોકોને ટોલ ભરવા અંગેની સાચી ખબર પડશે.