CCTV દ્રશ્યોમાં જોઈ શકાય છે કે કેવી રીતે બે ઘરના લોકો એકબીજા પર હુમલો કરે છે, હાથમાં જે આવે તે એકબીજાની ઉપર ફેંકતા નજરે પડી રહ્યા છે
ભાડભુત ખાતે શનિવારે થયેલ મારામારીનો વીડિયો વાયરલ
અંગત અદાવતમાં થયેલી મારામારીના CCTV આવ્યા સામે
મારામારીમાં સરપંચના પતિ, પુત્ર પણ સામેલ હોવાનો દાવો
ભરૂચના ભાડભુતમાં મારામારીની ઘટાના સામે આવી હતી જેના દ્રશ્યો સીસીટીવીમાં કેદ થઈ ગયા હતા. CCTV દ્રશ્યોમાં જોઈ શકાય છે કે કેવી રીતે બે ઘરના લોકો એકબીજા પર હુમલો કરે છે એટલું જ નહીં હાથમાં જે આવે તે એકબીજાની ઉપર ફેંકતા નજરે પડી રહ્યા છે હાથમાં ઈંટ જેવી વસ્તું પણ દેખાઈ રહી છે જે બીજા પર ફેંકવામાં આવી રહી હોય તેવું પણ વીડિયોમાં જણાઈ આવે છે.
અંગત અદાવતમાં થયેલી મારામારીના CCTV આવ્યા સામે
આ મારામારી કોઈ અંગત અદાવતને કારણે સર્જાઈ હોય તેવું મનાઈ રહ્યું છે, જો કે સમગ્ર ઘટના સીસીટીવીમાં કેદ થઈ છે જેનો વીડિયો સોશિયલ મીડિયામાં વાયરલ થયો છે. મારામારીમાં સરપંચના પતિ, પુત્ર સામેલ હોવાનું મનાઈ રહ્યું છે. આ ઘટના બાદ સમગ્ર મામલે ફરિયાદ નોંધાતા રૂરલ પોલીસે વધુ કાર્યવાહી હાથ ધરી છે