એલપીજી અને કોમર્શિયલ ગેસના ભાવમાં વધારો થતાં સામાન્ય લોકોના ખિસ્સા પર ખર્ચનો બોજ પડ્યો હતો, જોકે હવે સરકાર ગેસ સસ્તો કરવા માટે ખાસ પ્લાન બનાવી રહી છે
દેશમાં વધતી જતી મોંઘવારી વચ્ચે એક રાહતના સમાચાર
સરકાર ટૂંક સમયમાં ગેસની કિંમતો અંગે નિર્ણય લઈ શકે છે
સરકાર ટૂંક સમયમાં ગેસ સસ્તો કરવા માટે ખાસ પ્લાન બનાવી રહી છે
રાંધણગેસ સહિત સીએનજીના ભાવમાં ઘટાડો થશે
દેશમાં વધતી જતી મોંઘવારી વચ્ચે એક રાહતના સમાચાર સામે આવ્યા છે. સામાન્ય જનતાને રાહત આપવાના ઉદ્દેશ્ય સાથે સરકાર ટૂંક સમયમાં ગેસની કિંમતો અંગે નિર્ણય લઈ શકે છે. કેન્દ્ર સરકાર ટૂંક સમયમાં ગેસ સસ્તો કરવા માટે ખાસ પ્લાન બનાવી રહી છે. જેના કારણે રાંધણગેસ સહિત સીએનજીના ભાવમાં ઘટાડો થશે. આ સમયે એલપીજીના ભાવમાં વધારો જોવા મળી રહ્યો છે. ગયા મહિને પણ કોમર્શિયલ ગેસના ભાવમાં વધારો થયો હતો. જેના કારણે સામાન્ય લોકોના ખિસ્સા પર ખર્ચનો બોજ પડ્યો છે.
મહત્વનું છે કે, કમિટી દ્વારા ગેસના ભાવની સમીક્ષા કરવા માટે એક આયોજન કરવામાં આવી રહ્યું છે. જે અંતર્ગત જાહેર ક્ષેત્રની કંપનીઓના જૂના ક્ષેત્રોમાંથી નીકળતા કુદરતી ગેસની કિંમત મર્યાદા નક્કી કરવા માટે નિર્ણય લઈ શકાય છે. આ અંગે ભલામણ કરી શકાય છે. સરકારના આ નિર્ણયથી CNG અને PNG બંનેના ભાવમાં ઘટાડો થશે. જેના કારણે સામાન્ય જનતાને ઘણી રાહત થશે.
ન્યૂઝ એજન્સી અનુસાર આયોજન પંચના પૂર્વ સભ્ય કિરીટ એસ.પારેખની આગેવાની હેઠળની સમિતિ તેની બેઠક પર કામ કરી રહી છે અને તેને અંતિમ સ્વરૂપ આપી રહી છે. માનવામાં આવી રહ્યું છે કે આ કમિટી ટૂંક સમયમાં સરકારને પોતાનો રિપોર્ટ રજૂ કરી શકે છે. અધિકારીઓ પાસેથી મળેલી માહિતી અનુસાર કમિટી 2 અલગ-અલગ પ્રકારની પ્રાઇસિંગ સિસ્ટમને પ્રોત્સાહન આપી શકે છે.
આ સાથે ઓએનજીસી અને ઓઆઈએલ ઈન્ડિયા લિમિટેડના જૂના ક્ષેત્રોમાંથી નીકળતા ગેસના ભાવની કિંમતની મર્યાદા નક્કી કરવાની વાત થઈ રહી છે. લોકોને રાહત આપવા મુશ્કેલ વિસ્તારો માટે અલગ ફોર્મ્યુલા પણ સૂચવવામાં આવી શકે છે. પ્રદેશ અનુસાર સરકાર અલગ-અલગ ફોર્મ્યુલા બનાવવા પર કામ કરી રહી છે. ઉપરાંત એવી અપેક્ષા રાખવામાં આવે છે કે, ઉચ્ચ દરે ચુકવણીની હાલની ફોર્મ્યુલા જાળવી રાખવાની સંભાવના છે.