લોકચાહના / સુરતમાં જાજરમાન રોડ શોમાં PM મોદીનું જબરદસ્ત સ્વાગત્, આ તસવીરોમાં છલકાયો સુરતીઓનો પ્રેમ

• PM મોદીનું સુરતમાં જોરદાર સ્વાગત
• રોડમાં અને સભાખંડમાં લોકોની ભારે ભીડ
• PM મોદીનો ફોટો લેવાની હોડ જામી

પ્રધાનમંત્રી મોદી 2 દિવસના ગુજરાત પ્રવાસ પર છે ત્યારે આજે પ્રવાસની શરૂઆત સુરતથી કરી હતી. જ્યાં પીએમ મોદીએ ત્રણ કિલોમીટર લાંબા રોડનું અભિવાદન ઝીલ્યું હતું. પીએમના આગમન પ્રસંગે જાણે આખુંય સુરત રોડ પર સ્વાગત કરવા ઉમેટી પડ્યું હોય તેવા દ્રશ્યો સર્જાયા હતા. કોઈ ટેટૂ દોરી તો કોઈ ચિત્ર રજૂ કરી પીએમ મોદીને આવકારી રહ્યા હતા. રોડની બંને તરફ જનમેદની વન્દે માતરમ, ભારત માતા કી જય નારા લગાવી રહી હતી. પીએમ મોદી પણ સુરતવાસીઓના ઉમળકાભેર સ્વાગતથી ગદગદીત થઈ ગયા હતા અને સભામાં તેમનો આભર માન્યો હતો. સુરત શહેર અને જિલ્લાને રૂ. ૩૪૭૨ કરોડના ૫૯ વિકાસ કામોની સોગાદ આપી હતી.