હિચકારી હત્યા / નેતાનું ઢીમ ઢાળી દીધું: દારૂ ઢીંચી, પિસ્તોલ કાઢી અને પતાવી દીધો, પ્રવિણ માણિયા હાર્દિક પટેલનો હતો ખાસ

• પાટીદાર અનામતનું AP સેન્ટર બનેલા ફાર્મ હાઉસમાં મોટી ઘટના
• ફાર્મ હાઉસના માલિકની ગોળી મારીને કરાઈ હત્યા
• પોલીસ ફરાર આરોપીઑની શોધમાં

ગુજરાતમાં પાટીદાર અનામત આંદોલનનું મુખ્ય કાર્યવાહક સ્થળ ગણાતા ગાંધીનગર પાસેના સામ્રાજ્ય પાર્ટી પ્લોટના માલિકની  નિર્મમ હત્યા થઇ હતી. હાર્દિક પટેલ અને પાસના કાર્યકરોનાં ચુસ્ત ટેકેદાર ગણાતા પ્રવીણ માણીયાણી ગોળી ધરબી દઈને હત્યા કરવામાં આવી. ફાર્મ હાઉસમાં દારૂની મહેફિલ વચ્ચે મજાક-મશ્કરી દરમિયાન મામલો ઉગ્ર બન્યો અને બે ક્ષત્રિય યુવાનોએ ફાર્મ હાઉસ પ્રવિણ માલિક માણીયાને ગોળી ધરબી દીધી હતી. 

શા કારણે ઝઘડો થયો?
પાટીદાર અનામતનું AP સેન્ટર બનેલા ફાર્મ હાઉસમાં બનેલા હત્યાના બનાવે સૌ કોઈને ચોંકાવી છે. નજીવી બાબતે બે આરોપીએ ગોળી ચલાવી દેતા ચકચાર મચી હતી. ફાર્મ હાઉસના માલિક પ્રવિણ માણિયા હતા હાર્દિક અને સાથીદારોના ચુસ્ત ટેકેદાર છે. કોંગ્રેસમાંથી બે વખત જિલ્લા પંચાયતની ચૂંટણી પણ લડી ચૂક્યા છે. પ્રવિણ માણિયા અને અન્ય ચાર સાથી દારૂની મહેફિલ માણવા બેઠા હતા. જેમાં પૈસાની લેતી દેતીમાં ઉગ્ર બોલાચાલી થતાં મામલો છેક મારામારી સુધી પહોંચ્યો હતો. અને આરોપી જયદિપસિંહ ગોહિલ અને સુરેન્દ્રનગરના તરૂણસિંહ ઝાલા સાથે ઉગ્ર ગાળાગાળી બાદ બંને ઇસમોએ પ્રવીણ માણીયાને ગોળી મારી દીધી હતી. ગોળી છાતીમાં વાગતા ગંભીર રીતે ઘવાયેલા પ્રવિણ માણિયા તરફડી રહ્યા હતા જે બાદ તેમનું મોત નીપજ્યું હતું.

સંતોષ ભરવાડ નામનો યુવક ઈજાગ્રસ્ત
ચાલી રહેલી પાર્ટીમાં દારૂની રેલમછેલ હતી. જે બાદ પૈસાની લેતી દેતી મામલે તકરાર થતાં આરોપીઓને બે હિચક ગોળી મારી દીધી હતી. ઘટના સ્થળે હાજર સંતોષ ભરવાડ નામનો યુવકે આરોપીને પકડવાના પ્રયાસ કર્યા હતા. પરંતુ જયદિપસિંહ ગોહિલ અને સુરેન્દ્રનગરના તરૂણસિંહ ઝાલા બંને આરોપીઑએ સંતોષ ભરવાડને પણ તલવાર દેખાડી ઢોર માર માર્યો હતો. જે બાદ સંતોષ ભરવાડ પણ ગંભીર રીતે ઘાયલ થયો હતો હાલ તેમની હોસ્પિટલમાં સારવાર ચાલી રહી છે.

પોલીસ આરોપીઑની શોધમાં
નજીવી બાબતે ફાયરિંગ કરી નાશી છૂટલા બંને આરોપીઑની પોલીસ શોધખોળ કરી રહી છે. આરોપીઑ સામે હત્યાનો ગુનો નોંધાયો છે. ત્યાં હાજર તમામ ઈસમોના પોલીસ સ્ટેટમેન્ટ લઈ રહી છે બીજી તરફ ભાગી છૂટેલા આરોપીઑને પકડવા અલગ અલગ ટીમો બનાવી તપાસ તેજ કરી છે. હાલ પાંચ લોકોની અટકાયત કરવામાં આવી છે. એ બનાવ અંગે વધુ પૂછપરછ કરવાં આવી રહી છે.

શું હતો સમગ્ર મામલો             

• પ્રવિણ માણિયા અને અન્ય મિત્રો સામ્રાજ્ય પાર્ટી પ્લોટમાં દારૂની મહેફિલ માણતા હતા
• દારૂની મહેફિલમાં મિત્રો વચ્ચે મજાક મસ્તીમાં ઉગ્ર બોલાચાલી થઈ હતી
• પાર્ટી કોણ આપશે તે મામલે થઈ હતી મજાક મસ્ત
• મજાક મસ્તી વધારે થતા જયદીપસિંહ ગોહિલ, તરુણસિંહ ઝાલા રોષે ભરાયા હતા
• જયદીપ ગોહિલ અને તરુણસિંહ સાથે પ્રવિણ માણિયાનો ઝઘડો શરૂ થયો
• પ્રવિણ માણિયા સાથે ગાળાગાળી થયા બાદ જયદીપસિંહે ગોળી ચલાવી દીધી
• પ્રવિણ માણિયાને છાતીના ભાગે ગોળી વાગતા અન્ય મિત્રો પણ ગભરાયા હતા 
• હોસ્પિટલ લઈ જવાના બદલે તરુણસિંહ અને જયદીપસિંહ ગાડી લઈને ભાગ્યા
• સંતોષ ભરવાડે બે આરોપીઓને રોકવાની કોશિશ કરતા તલવાર વડે હુમલો
• તલવાર લઈને સંતોષ ભરવાડ પર હુમલો કરતા સંતોષ ભરવાડ ઈજાગ્રસ્ત