વાતાવરણ / ઉત્તર ભારતમાં હાડ થિજવતી ઠંડીનો પ્રકોપ વધશે, દિલ્હી સહિત આ રાજ્યોમાં ગાઢ ધુમ્મસનું અપાયું એલર્ટ, જાણો આગાહી

• વેસ્ટર્ન ડિસ્ટર્બન્સના કારણે તાપમાનમાં સતત ઘટાડો નોંધાઈ રહ્યો છે
• હિમવર્ષાના કારણે બર્ફીલા પવનો ઉત્તર તરફ આગળ વધી રહ્યો છે
• જમ્મુ-કાશ્મીરમાં થયેલ હિમવર્ષાને કારણે રાજસ્થાનમાં ઠંડીનો પારો વધ્યો

 વેસ્ટર્ન ડિસ્ટર્બન્સના કારણે તાપમાનમાં સતત ઘટાડો નોંધાઈ રહ્યો છે. પહાડી વિસ્તારોમાં હિમવર્ષાના કારણે બર્ફીલા પવનો ઉત્તર તરફ આગળ વધી રહ્યો છે. તાપમાનમાં ઘટાડો થવાનું આ મુખ્ય કારણ છે. જેના કારણે ઉત્તર પશ્ચિમ ભારતમાં લોકો કડકડતી ઠંડીનો સામનો કરી રહ્યા છે. 20 જાન્યુઆરી સુધી રાહત મળવાની કોઈ શક્યતા નથી.

આગામી 4 દિવસ સુધી ગાઢ ધુમ્મસની આગાહી કરવામાં આવી
ઉત્તર પશ્ચિમ ભારતમાં લોકો કડકડતી ઠંડીનો સામનો કરી રહ્યા છે. 20 જાન્યુઆરી સુધી આ શિયાળામાં રાહત મળવાની કોઈ આશા નથી. દરમિયાન, દિલ્હી, પંજાબ, હરિયાણા અને ઉત્તર પ્રદેશના ઘણા વિસ્તારોમાં ગાઢ ધુમ્મસની સંભાવના છે. આ સાથે હિમાચલ, જમ્મુ-કાશ્મીર અને ઉત્તરાખંડના પર્વતીય રાજ્યોમાં આગામી 4 દિવસ સુધી ગાઢ ધુમ્મસની આગાહી કરવામાં આવી છે.

દિલ્હીમાં 20 જાન્યુઆરી બાદ ઠંડીમા રાહત મળી શકે છે
ત્યારે સ્કાઈમેટ વેધરનાં ઉપાધ્યક્ષ મહેશ પલાવતે જણાવ્યું કે તડકો હોવા છતા તાપમાન ઓછું થઈ રહ્યું નથી. 16 થી 18 જાન્યુઆરી વચ્ચે સૌથી વધુ ઠંડી પડવાનું માનવામાં આવી રહ્યું છે. આગામી સમયમાં દિલ્હીમાં 2 થી 3 ડીગ્રી તાપમાન નોંધાઈ શકે છે. 20 જાન્યુઆરી પછી દિલ્હીમાં ઠંડકથી રાહત મળવાની સંભાવના છે.

તાપમાનમાં ઘટાડો થવાનું આ મુખ્ય કારણ છે
ઉલ્લેખનીય છે કે વેસ્ટર્ન ડિસ્ટર્બન્સના કારણે તાપમાનમાં સતત ઘટાડો નોંધાઈ રહ્યો છે. પહાડી વિસ્તારોમાં હિમવર્ષાના કારણે બર્ફીલા પવનો ઉત્તર તરફ આગળ વધી રહ્યા છે. તાપમાનમાં ઘટાડો થવાનું આ મુખ્ય કારણ છે. 

જમ્મુ-કાશ્મીરમાં ભારે હિમવર્ષાએ રાજસ્થાનમાં ઠંડી વધારી
આ દરમ્યાન બીકાનેર, જયપુર, અજમેરનાં મોટા ભાગના વિસ્તારોમાં શીત લહેર ઝડપથી આગળ વધી રહી છે. ઉત્તર-પશ્ચિમ ભારતમાં  બે દિવસમાં ફરી શીત લહેર અને  ઠંડીનો પ્રકોપ શરૂ થવાનું અનુમાન છે. જમ્મુ-કાશ્મીરમાં ભારે હિમવર્ષાને લીધે રાજસ્થાનમાં ઠંડીનો પ્રકોપ વધી ગયો છે. ત્યારે હવામાન વિભાગના જણાવ્યા અનુસાર 18 જાન્યુઆરી સુધી અહીંયા શીત લહેરનો પ્રકોપ ચાલુ રહેશે.