વોટ કરો ગુજરાત / ઍમ્બ્યુલન્સમાં આવ્યા વૃદ્ધા તો ઑક્સીજન મશીન સાથે વૃદ્ધે કર્યું મતદાન, ગુજરાતમાં લોકતંત્રની મજબૂત તસવીર

• અમદાવાદમાં ઓકસીજન સાથે દર્દી મતદાન કરવા પહોચ્યા 
• 72 વર્ષીય રાકેશ શાહ ઓકસીજન મશીન સાથે મતદાન કર્યું 
• અમદાવાદમાં 93 વર્ષના વૃદ્ધ મહિલા વહિલચેરમાં પહોંચી મતદાન કર્યું 
• આણંદમાં વયોવૃદ્ધ પથારીવશ વૃદ્ધા એમ્બ્યુલન્સના પહોંચ્યા મતદાન મથક
• બીમાર અને પથારીવસ હોવા છતાં મતદાન મથક પહોંચી કર્યું મતદાન 

ગુજરાત વિધાનસભાના બીજા અને છેલ્લા તબક્કામાં આજે 93 વિધાનસભા બેઠકો પર મતદાન ચાલી રહ્યું છે. ચૂંટણીમાં મુખ્ય મુકાબલો સત્તાધારી ભાજપની સાથે કોંગ્રેસ અને આમ આદમી પાર્ટી વચ્ચે છે. આ દરમ્યાન આળસના કારણે મતદાન નહીં કરનાર મતદારો માટે અનેક દાખલારૂપ કિસ્સો સામે આવ્યો છે. અમદાવાદમાં આજે ઑક્સીજન સાથે એક દર્દી મતદાન કરવા પહોંચ્યા હતા. આ તરફઆ અન્ય એક 93 વર્ષ વૃધ્ધ મહિલાએ પણ મતદાન કરી લોકોને મતદાન કરવા અપીલ કરી છે. 

રાજ્યમાં હાલ ચાલી રહેલા બીજા તબક્કાના મતદાન માટે આળસ કરતાં યુવાનોએ આ વૃધ્ધોના મતદાનને જોવાની જરૂર છે. અમદાવાદના નારણપુરા ખાતે આજે એક દર્દી ઓકશીજન સાથે મતદાન કરવા પહોંચ્યા હતા. 72 વર્ષીય રાકેશ શાહ લોકશાહીના તહેવારમાં પોતાની ફરજ અદા કરવા માટે મતદાન કરવા પહોંચ્યા હતા. આ સાથે તેમણે અન્ય લોકોને પણ મતદાન કરવા અપીલ કરી હતી. 

આ સાથે એક 93 વર્ષના વૃદ્ધ મહિલાએ પણ મતદાન કર્યું હોવાનું સામે આવ્યું છે. વૃધ્ધાવસ્થાને કારણે 93 વર્ષના વૃદ્ધ મહિલા વહિલચેરમાં મતદાન કરવા આવ્યા હતા. વૃદ્ધ મહિલાના મતદાનનો ઉત્સાહ એવો હતો કે તેમણે દીકરા પાસે મતદાન કરવાની જીદ કરી હતી. જેને લઈ હવે મતદાતા માટે બા પ્રોત્સાહન રૂપ બન્યા છે. 

આણંદમાં મતદારો માં અનેરો ઉસ્તાહ 

ચૂંટણીના બીજા તબક્કાના મતદાન દરમ્યાન આજે અનોખા દ્રશ્યો સામે આવ્યા છે. આજે આણંદમાં મતનું મૂલ્ય સમજાવતા દ્રશ્યો સામે આવ્યા છે. વાત જાણે એમ છે કે, વયોવૃદ્ધ પથારીવશ વૃદ્ધાએ મતદાનમાં ઉસ્તાહ દાખવ્યો છે. જેને લઈ એમ્બ્યુલન્સ સાથે મહિલા મતદાર મતદાન મથક પર પહોંચ્યા હતા. જ્યાં બીમાર અને પથારીવસ હોવા છતાં મતદાન મથક પહોંચી મતદાન કર્યું છે. 

મહત્વનું છે કે, આજે મધ્ય ગુજરાત અને ઉત્તર ગુજરાતની 93 બેઠકો પર સવારના 8 વાગ્યાથી મતદાન પ્રક્રિયા શરૂ થઈ ગઈ છે. રાજ્યના 14 જિલ્લાના 26 હજાર 409 મતદાન મથકો પર મતદાન શરૂ થયું છે. જેમાં 8,533 શહેરી મતદાન મથકો અને 17 હજાર 876 ગ્રામ્ય વિસ્તારના મતદાન મથકોનો સમાવેશ થાય છે. આજે 14 જિલ્લાના 2 કરોડ 51 લાખ 58 હજાર 730 મતદારો પોતાના મત્તાધિકારનો ઉપયોગ કરશે. બીજા તબક્કાની 93 બેઠકો પર કુલ 833 ઉમેદવારો મેદાનમાં છે. બીજા તબક્કામાં મુખ્યમંત્રી, 8 મંત્રી અને 60 સિટીંગ ધારાસભ્યો સહિત ભાજપ, કોંગ્રેસ-NCP અને આપના 279 ઉમેદવારો સહિત કુલ 833 ઉમેદવારોનું ભાવિ EVMમાં સીલ થશે. આગામી 8મી ડિસેમ્બરના રોજ મતગણતરી હાથ ધરવામાં આવશે.