જેતપુરના ઉપલેટામાં ભંગારના ગોડાઉનમાં જૂના ફ્રીઝનું કમ્પ્રેસર ફાટતા થયો બ્લાસ્ટ ઘટનામાં બે લોકોના કમકમાટી ભર્યા મોત નિપજ્યા
ઉપલેટામાં ભંગારના ગોડાઉનમાં બ્લાસ્ટ
જૂના કટલરી બજાર પાસે થયો બ્લાસ્ટ
બ્લાસ્ટમાં 2 વ્યક્તિના ઘટનાસ્થળે મોત
જેતપુરના ઉપલેટામાં એક બ્લાસ્ટની ઘટના સામે આવી છે જેમાં બે લોકોના ઘટના સ્થળે જ મોત થયા છે.જો કે બ્લાસ્ટ મામલે હજુ ચોક્કસ કારણ જાણવા મળ્યું નથી પરતું જુના ફ્રીઝનું કમ્પ્રેસર ફાટતા ઘટના બની હોવાનું મનાઈ રહ્યું છે.
ઉપલેટામાં ભંગારના ગોડાઉનમાં બ્લાસ્ટ
ઉપલેટાના જુના કટલરી બજાર પાસે આજે બ્લાસ્ટની ઘટનામાં બે લોકોના કમકમાટી ભર્યો મોત નિપજ્યા જેમાં ભંગારના ગોડાઉનમાં બ્લાસ્ટથ થતા અફરાતફરીનો માહોલ સર્જાયો હતો, ઘટનાની જાણ થતા જ ફાયર બ્રિગેડ તેમજ પોલીસ કાફલો પણ ઘટના સ્થળે દોડી આવ્યો હતો જો કે સમગ્ર મામલે તપાસ કરાતા બ્લાસ્ટ જુના ફ્રીઝનું કોમ્પ્રેસર ફાટવાથી થયો હોવાનું સામે આવ્યું હતું, આ ઘટનામાં બે લોકોના મોત થતા પોલીસે આગળની કાર્યવાહી હાથ ધરી હતી, પોલીસે મૃતદેહોને પીએમ અર્થે ખસેડીને આકસ્મિક મોત થયા હોવાનું નોંધી આગળની કાર્યવાહી હાથ ધરી છે.
બ્લાસ્ટમાં 2 વ્યક્તિના ઘટનાસ્થળે મોત
જો કે બ્લાસ્ટ થતા બે લોકોના મોત થતા પરિવારમાં મોતનો માતમ છવાઈ ગયો છે. બ્લાસ્ટની ઘટનાને પગલે આપસાપના વિસ્તારમાં પણ ભયનો માહોલ છવાઈ ગયો હતો, ઘટના બનતા સ્થાનિકો અને આસપાસના લોકો ઘટના સ્થળે દોડી આવ્યા હતા તો પોલીસે ભીડને કાબૂ કરી કાર્યવાહી હાથ ધરી હતી.