છત્તીસગઢના રાયપુરમાં મહિલાનો રિપોર્ટ પોઝિટિવ આવતા તેની સારવાર શરૂ કરાઈ છે. મહિલાને કોરોના થતાં તેની ત્રણ મહિનાની બાળકીની હાલત પણ કફોડી બની છે અને તેને માતાથી દૂર થવું પડ્યું છે. જો કે, હાલ રાયપુર AIIMS હોસ્પિટલનો નર્સિંગ સ્ટાફ દીકરી માટે મમતાની મૂર્તિ બન્યો છે.
છત્તીસગઢમાં ત્રણ મહિનાની દીકરીની માતાને કોરોના
AIIMSનો નર્સિંગ સ્ટાફ દીકરીની લઈ રહ્યો છે સંભાળ
દીકરીની સારસંભાળનો વીડિયો વાયરલ
હાલ બાળકીની તમામ સારસંભાળ હોસ્પિટલનો નર્સિંગ સ્ટાફ કરી રહ્યો છે. શરૂઆતમાં દીકરીની માતાનો રિપોર્ટ પોઝિટિવ આવતા દીકરીની સાચવણી તેના નાની કરી રહ્યા હતા.
જો કે, નાનીનો રિપોર્ટ પણ પોઝિટિવ આવતા હવે નર્સિંગ સ્ટાફ બાળકીની દેખરેખ રાખી રહ્યું છે. તકેદારીના ભાગરૂપે નર્સ સ્ટાફ તમામ તકેદારી સાથે બાળકી પર વ્હાલ વરસાવી રહી છે. નર્સને આશા છે કે બાળકીની માતા જલદી સ્વસ્થ થઈ જશે અને બાળકી ફરી તેની માતાના ખોળામાં રમી શકશે.