વિડંબના / ખરેખરની કઠણાઈ કે'વાય! 5000 મહિલાને પ્રસૂતિ કરાવનારી નર્સ સાથે ડિલેવરી સમયે બન્યું એવું કે...

• મહારાષ્ટ્રમાં 38 વર્ષીય જ્યોતિનું ડિલીવરી દરમ્યાન મોત
• નર્સે આશરે 5000 મહિલાઓની ડિલીવરીમાં કરી હતી મદદ
• બાદમાં પોતાના બાળકને જન્મ આપ્યાં બાદ થયુ મોત

પોતાની ડિલીવરી દરમ્યાન નર્સનું થયુ મોત

હિંગોલી સિવિલ હોસ્પિટલના રેસિડેન્ટ મેડિકલ ઓફિસર ગોપાલ કદમે એજન્સીને જણાવ્યું કે જ્યોતિ ગવલી હિંગોલી સિવિલ હોસ્પિટલના લેબર રૂમમાં હતી. તેની વિડંબના જુઓ કે પોતાની પ્રેગનન્સીના છેલ્લાં દિવસે પણ તેણે કામ કર્યુ અને પછી પોતાની ડિલીવરી માટે જતી રહી. ડિલીવરી બાદ જ્યારે મેટનરલ લીવ લેવા જતી હતી. તેને ડિલીવરી માટે બે નવેમ્બરે સિવિલ હોસ્પિટલમાં ભરતી કરવામાં આવી. પરંતુ જટિલતાઓને કારણે તેને નાંદેડની હોસ્પિટલ માટે રીફર કરવામાં આવી. અધિકારીએ કહ્યું કે ગવલીને ડબલ નિમોનિયાની ફરિયાદ કર્યા બાદ નાંદેડમાં ખાનગી હોસ્પિટલમાં દાખલ કરવામાં આવી. તેને ઓક્સિજન સપોર્ટ પણ આપવામાં આવ્યો.

નર્સે સિવિલ હોસ્પિટલમાં નર્સ તરીકે કામ કર્યુ

રેસિડેન્ટ મેડિકલ ઓફિસરે કહ્યું કે, ગવલીએ છેલ્લાં બે વર્ષમાં સિવિલ હોસ્પિટલમાં નર્સ તરીકે કામ કર્યુ હતુ. તેણે પહેલાં લગભગ ત્રણ વર્ષ બે અન્ય હેલ્થ સેન્ટરમાં કામ કર્યુ છે. અધિકારીએ કહ્યું કે, રવિવારે તેનુ મોત થયુ. અમે સામાન્ય રીતે એક દિવસમાં પોતાની મેડિકલ ફેસિલિટીમાં 15 ડિલીવરી કરીએ છીએ. ગવલીએ પોતાની પાંચ વર્ષની કારકિર્દીમાં આશરે 5000 ડિલીવરીમાં મદદ કરી હશે.

નર્સનું સારવાર દરમ્યાન થયુ મોત

ઉલ્લેખનીય છે કે, નર્સનું કામ કરનારી જ્યોતિ ગવલી ડિલીવરી માટે બધાની માનીતિ નર્સ હતી. પરંતુ પ્રસૂતિ દરમ્યાન તેનુ મોત થયાના સમાચાર જાણતા અરેરાટી ફેલાઈ ગઇ હતી. સિઝરિયન સેક્શનમાં જ્યોતિએ એક તંદુરસ્ત બાળકને જન્મ આપ્યો છે, પરંતુ પ્રસુતિ બાદ તેની તબિયત બગડતા તેને નાંદેડની એક હોસ્પિટલ લઇ જવામાં આવી. જ્યાં ઘટનાસ્થળે તેનું મોત નિપજ્યુ.