ભારત સહિત દુનિયાના ઘણા દેશોમાં કોરોનાથી લડવા માટે વેક્સિનેશનની પ્રક્રિયાને ઝડપી બનાવી દેવામાં આવી છે. તેવામાં નર્સની બેદરકારી સામે આવી છે. એક જ છોકરીને વેક્સિનના 6 ડોઝ આપી દેવામાં આવ્યા છે.
વેક્સિનેશન પ્રક્રિયામાં મોટી ભૂલ
નર્સે એક જ છોકરીને આપ્યા 6 ડોઝ
બાદમાં જે થયુ તે જોઇને ડૉક્ટર્સ પણ હેરાન
ભારતમાં હવે 18 વર્ષથી ઉપરના લોકોને રસી આપવાની શરૂઆત કરી દેવામાં આવી છે. આ પહેલા 45 વર્ષથી ઉપરના લોકોને જ વેક્સિન આપવામાં આવતી હતી. હવે અલગ અલગ જગ્યાએ ડ્રાઇવ થ્રુ વેક્સિનેશન પ્રક્રિયા શરૂ કરી દેવામાં આવી છે. ત્યારે ઇટલીમાં એક નર્સથી એવી ભૂલ થઇ છે કે એક જ છોકરીને વેક્સિનના 6 ડોઝ આપી દેવામાં આવ્યા છે.
Pfizerના આપ્યા 6 ડોઝ
9 મેના રોજ આ ઘટના ઘટી હતી તેવું કહેવામાં આવી રહ્યું છે. ઇટલીમાં 23 વર્ષની એક છોકરીને એક જ દિવસમાં 6 વાર વેક્સિન આપવામાં આવી હતી. ન્યુસ એજન્સી એજીઆઇની રિપોર્ટ અનુસાર 6 ડોઝ બાદ હોસ્પિટલમાં ખળભળાટ મચી ગયો હતો. ડૉક્ટર્સ હેરાન થઇ ગયા હતા કે આ છોકરી પર વેક્સિનની શું અસર થશે. 24 કલાક માટે તેને અંડર ઓબ્ઝર્વેશનમાં રાખવામાં આવી હતી.
કોઇ સાઇડ ઇફેક્ટ નહી
નાઓ હોસ્પિટલના ડાયરેક્ટરે કહ્યું કે તે મહિલાને કોઇ પ્રકારની સાઇડ ઇફેક્ટ નહોતી થઇ. તેને 24 કલાક અંડર ઓબ્ઝર્વેશન રાખવામાં આવી હતી. Pfizerના આટલા ડોઝ મળ્યા બાદ બધા લોકો ચિંતામાં હતા કે તે છોકરીની શું હાલત થશે પરંતુ તેને કોઇ સાઇડ ઇફેક્ટ નહોતી થઇ.
સતત થઇ મોનિટરીંગ
6 ડોઝ બાદ 24 કલાક છોકરી હોસ્પિટલમાં રહી હતી અને બાદમાં જ્યારે તેને કોઇ સાઇડ ઇફેક્ટ ન થઇ ત્યારે તેને ડિસ્ચાર્જ કરી દેવામાં આવી હતી. સામાન્ય રીતે કોઇ પણ વ્યક્તિ Pfizerના માત્ર 4 ડોઝ જ સહન કરી શકે છે પરંતુ આ છોકરીને 6 ડોઝ બાદ પણ કંઇ નહોતુ થયુ.