કુપોષણ / ગુજરાતમાં કુપોષિત બાળકોની સંખ્યામાં એક મહિનામાં ધરખમ વધારો, જાણો સૌથી વધુ કયા જિલ્લામાં

• છેલ્લા એક માસમા રાજ્યમાં ઓછું વજન ધરાવતાં 6846 બાળકોનો થયો જન્મ 
• સરકારની કુપોષણ વિરુદ્ધ યોજના છતાં પણ રાજ્યમાં જન્મ લઈ રહ્યા છે કુપોષિત બાળકો
• સૌથી વધુ બનાસકાંઠા જિલ્લામાં 411 કુપોષિત બાળકો જન્મયાં 
• છેલ્લા 30 દિવસમાં 2.5 કિલોથી ઓછું વજન ધરાવતાં 6846 શિશુનો જન્મ થયો 

 રાજ્યમાં લોહીની ઉણપ ધરાવતાં 802 બાળકો જન્મ થયો  

સમગ્ર દેશમાં સૌથી સમૃજદ્ધ રાજ્યમાં એક રાજ્ય ગુજરાતને ગણવામાં આવે તેમ છતાં આજે પણા રાજ્યમાં છેલ્લા એક માસમાં 6846 કુપોષિત બાળકોનો જન્મ થાય છે. જેમાં લોહીની ઉણપ ધરાવાતાં 802 બાળકોનો જન્મ થયો છે. જેમાં પણ સૌથી વધુ બનાસકાંઠામાં 239 બાળકોનો જન્મ થયો છે. આ સાથે લોહીની ઉણપ ધરાવતા સૌથી ઓછા બાળકો જામનગર, નવસારી,જામનગર, નવસારી અને તાપીમાં જન્મ થયો છે. 

રાજ્યમાં 6 હજારથી વધુ બાળકો કુપોષણ હેઠળ પીડાઇ રહ્યા છે

રાજ્યમાં છેલ્લા એક માસમાં 6846 બાળકો કુપોષિત નોંધાયા છે. જેમાં સૌથી વધુ બનાસકાંઠા જિલ્લામાં હાલમાં સતત કુપોષણ બાળકોની સંખ્યામાં વધારો થઈ રહ્યો છે. આરોગ્ય વિભાગ દ્વારા સતત કુપોષિત બાળકો ધરાવતા વિસ્તારોમાં મુલાકાત કરવામાં આવતી હોવા છતાં મહિલાઓ સમયસર આરોગ્ય વિભાગની સુવિધા લેતી નથી. જેના કારણે સતત કુપોષિત બાળકોની સંખ્યામાં વધારો જોવા મળી રહ્યો છે.મહત્વનું છે કે, રાજ્ય સરકાર દ્વારા અનેક યોજના પાછળ વર્ષે દહાડે લાખો, કરોડો રૂપિયાનો ખર્ચ કરવામાં આવી રહ્યો છે. તેમ છતાં જવાબદાર તંત્રની ક્યાંક ઉણપને લઈ બનાસકાંઠામાં કુપોષણનું દુષણ ટળવાનું નામ લેતું નથી. જેમાં વનવાસી અને સરહદી વિસ્તાર ધરાવતા બનાસકાંઠા જિલ્લામાં અનેક બાળકો કુપોષણમાં પીડાઈ રહ્યા છે.

બાળકોને કુપોષિત બનાવવા માટે અન્નપ્રાશન દિવસની ઉજવણી કરાય છે

બાળકોનો વિકાસ રુંધતી કુપોષણની બીમારી સામે બાળકોને સુરક્ષા કવચ પુરું પાડવા માટે સરકાર દ્વારા અનેક યોજના ચલાવવામાં આવે છે.તેમજ બાળકોને કુપોષિત બનાવવા માટે અન્નપ્રાશન દિવસની ઉજવણી કરવામાં આવે છે અને છ થી નવ માસના બાળકોને રાબ અને શીરો અપાય છે તેમજ આંગણવાડીઓમાં બાળકોને ગરમ નાસ્તો, ભોજન અને ફ્રુટ તેમજ દૂધ સંજીવની યોજના હેઠળ દૂધ આપવામાં આવે છે તેમજ સગર્ભા અને ધારી માતાઓને 200 એમ.એલ. દૂધ અતિ ઓછા વજનવાળા બાળકોને ઘરે જઈ કેલેરી પ્રોટીન સભર લાડુ આપવા સહિતના અનેક પોષણક્ષમ લાભો આપવામાં આવે છે.

બનાસકાંઠામાં મોટાભાગની મહિલાઓ વ્યસન કરતી હોવાથી કુપોષિત બાળકો જન્મ લે છે

ખાસ કરીને બનાસકાંઠાના આદિવાસી વિસ્તાર ગણાતા દાતા, અમીરગઢ વિસ્તારમાં કુપોષિત બાળકોની સંખ્યામાં સતત વધારો થઈ રહ્યો છે. આરોગ્ય વિભાગ દ્વારા સતત આ વિસ્તારમાં કુપોષિત બાળકોની સંખ્યામાં ઘટાડો થાય તે માટે વધુમાં વધુ તેમને સરકારી સહાય આપવામાં આવે છે, પરંતુ આ વિસ્તારમાં શિક્ષણનું પ્રમાણ ઓછું હોવાના કારણે અને મોટાભાગની મહિલાઓ વ્યસન કરતી હોવાના કારણે સતત કુપોષિત બાળકો જન્મ લે છે તો બીજી તરફ સમયસર જન્મતાની સાથે જ આ વિસ્તારની મહિલાઓ પોતાના બાળકોને દૂધ ન આપતી હોવાના કારણે સતત કુપોષિત બાળકોની સંખ્યામાં વધારો જોવા મળી રહ્યો છે.

જિલ્લા પ્રમાણે ઓછું વજન ઘરાવતા કુપોષિત બાળકોનો આંક  

જિલ્લો        બાળકોની સંખ્યા
બનાસકાંઠા.           411
આણંદ                  379
અમદાવાદ શહેર     369
મહેસાણા.              256
ખેડા.                    289
કચ્છ                     265
ભરૂચ.                  264
રાજકોટ.                261
ભાવનગર.              224
સુરત શહેર.            220
સાબરકાંઠા            209
વડોદરા.                204
પાટણ.                  203
નવસારી.               200
દાહોદ.                 197
સુરેન્દ્રનગર.            180
વલસાડ.               166
અમદાવાદ જિલ્લો  164
સુરત.                   163
નર્મદા                   140
રાજકોટ શહેર         140
ગાંધીનગર જિલ્લો   138
પંચમહાલ.             136
મોરબી.                135
અમરેલી.              130
જામનગર             128
વડોદરા શહેર.       127
છોટાઉદેપુર.          118
મહીસાગર.           116
અરવલ્લી              113
ગીર સોમનાથ        113
તાપી                    88
દેવભૂમિ દ્વારકા       86
ભાવનગર શહેર      78
જૂનાગઢ.              75
જૂનાગઢ શહેર        68
પોરબંદર.              61
ડાંગ                      53