મનોરંજન / ફિલ્મ 'એનિમલ'ની નવી રિલીઝ ડેટ સામે આવી, બોક્સ ઓફિસ પર આ ફિલ્મો સાથે થશે ટક્કર

• ફિલ્મ 'એનિમલ'ની નવી રિલીઝ ડેટ જાહેર કરવામાં આવી
• રણબીર કપૂરનો મુકાબલો વિકી કૌશલ અને પંકજ ત્રિપાઠી સાથે થશે
• હવે આ ફિલ્મ 1 ડિસેમ્બર 2023ના રોજ આવશે

બોલિવૂડ એક્ટર રણબીર કપૂરની ફિલ્મ 'એનિમલ'ની નવી રિલીઝ ડેટ જાહેર કરવામાં આવી છે. અગાઉ આ ફિલ્મ સની દેઓલની 'ગદર 2' અને અક્ષય કુમારની 'OMG 2' સાથે 11 ઓગસ્ટે સિનેમાઘરોમાં આવવાની હતી. પરંતુ કેટલાક કારણોસર ફિલ્મની રીલીઝ મોકૂફ થઈ ગઈ હતી. હવે આ ફિલ્મ 1 ડિસેમ્બર 2023ના રોજ આવશે. આ વખતે રણબીર કપૂરનો મુકાબલો વિકી કૌશલ અને પંકજ ત્રિપાઠી સાથે થશે.

આ ફિલ્મો સાથે થશે ટક્કર
ફિલ્મ સમીક્ષક તરણ આદર્શ દ્વારા આપવામાં આવેલી માહિતી અનુસાર, રણબીર કપૂર અને રશ્મિકા મંદન્નાની ફિલ્મ 'એનિમલ' 1 ડિસેમ્બરે સિનેમાઘરોમાં આવશે.આ જ દિવસે વિકી કૌશલની ફિલ્મ 'સામ બહાદુર' અને મલ્ટિસ્ટારર 'ફુકરે 3' રિલીઝ થવા જઈ રહી છે. બીજી તરફ 7 ડિસેમ્બરે શાહિદ કપૂર અને કૃતિ સેનનની અનટાઈટલ્ડ ફિલ્મ પણ બોક્સ ઓફિસ પર ટક્કર આપી શકે છે.

RANBIR KAPOOR - SANDEEP REDDY VANGA: ‘ANIMAL’ TO ARRIVE ON 1 DEC… #Animal gets a new release date: 1 Dec 2023.#RanbirKapoor #SandeepReddyVanga #BhushanKumar #MuradKhetani pic.twitter.com/NoZN4RmYl1

— taran adarsh (@taran_adarsh) July 3, 2023

આવી હશે ફિલ્મ 
'એનિમલ'ની સ્ટાર કાસ્ટ એક એક્શન થ્રિલર ફિલ્મ છે જેનું નિર્દેશન 'કબીર સિંહ' ફેમ ડિરેક્ટર સંદીપ રેડ્ડી વાંગા દ્વારા કરવામાં આવ્યું છે. રસપ્રદ વાત એ છે કે આ ફિલ્મની સ્ટોરી પણ સંદીપે જ લખી છે અને તે જ આ ફિલ્મનું એડિટ અને કો-પ્રોડ્યુસ પણ કરવાના છે. તમને જણાવી દઈએ કે, આ ફિલ્મમાં રણબીર સિવાય બોબી દેઓલ, અનિલ કપૂર, રશ્મિકા મંદન્ના અને તૃપ્તિ ડિમરી જેવા કલાકારો જોવા મળશે. 

રશ્મિકાએ રણબીર કપૂરના વખાણ કર્યા
તાજેતરમાં, રશ્મિકા મંદન્નાએ ઈન્સ્ટાગ્રામ પર એક પોસ્ટ શેર કરીને રણબીરના વખાણ કર્યા હતા. એનિમલના શૂટને સમાપ્ત કર્યા પછી, રશ્મિકાએ તેના ઇન્સ્ટાગ્રામ પર લખ્યું અને લખ્યું, "હું ખૂબ જ નર્વસ હતી કારણ કે તે રણબીર કપૂર છે પણ ઓહ માય ગોડ!!! અમારું નાનું સિક્રેટ... ભગવાને તેને પરફેક્ટ બનાવવા માટે એમનો બધો સમય વિતાવ્યો છે. ..અદ્ભુત અભિનેતા. અદ્ભુત માનવી..'