બેદરકારી / સુરતમાં નવી સિવિલ હોસ્પિટલે દર્દીને ધક્કા ખાવા કર્યો મજબૂર, સમગ્ર મામલો RMO સુધી પહોંચ્યો

• બે વિભાગ વચ્ચે વૃદ્ધ દર્દી અટવાયો
• સુરતની નવી સિવિલ હોસ્પિટલની ઘટના
• એક વિભાગથી બીજા વિભાગમાં પડ્યા ધક્કા

સુરતની નવી સિવિલ હોસ્પિટલ ફરી એકવાર વિવાદમાં આવી છે, હોસ્પિટલમાં સારવાર અર્થે આવેલા દર્દીને ધક્કાખાવાનો વારો આવતા હોસ્પિટલની કામગીરી સામે સવાલો ઉઠી રહ્યા છે. નવી સિવિલ હોસ્પિટલમાં સારવાર લેવા આવતા વૃદ્ધ દર્દીએ હોસ્પિટલ તંત્રે ધક્કે ચઢાવ્યો હતો જે બાદ સમગ્ર મામલો હોસ્પિટલના RMO સુધી પહોંચ્યો હતો.

બે વિભાગ વચ્ચે વૃદ્ધ દર્દી અટવાયો

હોસ્પિટલમાં સારવાર લેવા આવેલા માનસિક અસ્વસ્થ વૃદ્ધ દર્દીને માનસિક વિભાગના તબીબોએ ટ્રોમા સેન્ટરમાં જવાનું કહે છે દર્દીને ઈમરજન્સી વિભાગ દર્દીને માનસિક વિભાગમાં જવાનું કહે છે આમ દર્દીએ સતત બે કલાક સુધી રઝડતા રહેવું પડ્યું હતું જે બાદ પણ હોસ્પિટલ તંત્ર દ્વારા કોઈ નક્કર જવાબ ન આપતા સમગ્ર મામલો RMO સુધી પહોંચ્યો હતો.

એક વિભાગથી બીજા વિભાગમાં પડ્યા ધક્કા

સુરતની નવી સિવિલ હોસ્પિટલમાં અગાઉ પણ અનેક વિવાદોમાં આવી ચુકી છે ત્યારે ફરી બે વિભાગ વચ્ચે વૃદ્ધ દર્દી સારવાર આપવા મામલે વિવાદ સર્જાયો હતો વૃદ્ધ દર્દી માનસિક અસ્વસ્થ હોવા છતાં તેને બે કલાક સુધી રઝડવું પડ્યું હતું માનસિક વિભાગના તબીબોએ દર્દી માનસિક રોગી નહિ હોવાનું જણાવી ટ્રોમાં સેન્ટર મોકલ્યો હતો જો કે સમગ્ર મામલો હાલ RMO સુધી પહોંચ્યો છે.