તમારા કામનું / ધમાલ મચાવશે નવી Bajaj Pulsar: શાનદાર લુક સાથે ફિચર્સ પણ ગજબ! જાણો શું છે કિંમત

• આ નવા પલ્સરનું નામ કંપની N160 રાખ્યું છે જે મૂળ રૂપે પલ્સર N250નું જ નવું વર્જન છે
• પલ્સર N160માં ઘણા શાનદાર ફીચર્સ આપવામાં આવ્યા છે
• Bajaj Pulsar  N160 માં 164.8cc, ઓઇલ-કલુડ, સિંગલ-સિલિન્ડર ઈંજન મળે છે

આજકાલના જડપી જીવનમાં દરેક પાસે ટુ-વ્હીલર્સ હોવું ફરજિયાત જેવુ બની ગયું છે. શહેર હોય કે ગામડું આજે દરેક વ્યક્તિ પાસે બાઇક અથવા બીજું કોઈ સ્કૂટર જરૂરથી હોય છે. કોઈ પણ જગ્યાએ જલ્દી પંહોચવા માટે લોકો ટુ-વ્હીલર્સનો ઉપયોગ કરે છે. શહેરના અનહદ ટ્રાફિકથી બચવા માટે પણ આજકાલ લોકો ટુ-વ્હીલર્સનો વધુ ઉપયોગ કરે છે. એવામાં બજાજ ઓટો (Bajaj Auto) એ પલ્સર(Pulsar)ની લાઇનઅપમાં એક નવું મોડલ જોડ્યુ છે. આ નવા પલ્સરનું નામ કંપની N160 રાખ્યું છે જે મૂળ રૂપે પલ્સર N250નું જ નવું વર્જન છે. 

પલ્સર N250 જેવુ જ N160
પલ્સર N250 જેવી જ ડીજાઈન N250ની છે પણ આ નવા મોડલમાં ઈંજનનની સાઈજ નાની છે. N160માં પણ એલઇડી ડેટાઈમ રનિંગ લાઇટ્સ સાથે એલઇડી પ્રોજેક્ટર હેન્ડલેમ્પ આપવામાં આવ્યું હતું. આમાં 17 ઈંચના પૈડાં મળે છે. 

આવું છે ઈંજન 
Bajaj Pulsar  N160 માં 164.8cc, ઓઇલ-કલુડ, સિંગલ-સિલિન્ડર ઈંજન મળે છે. આ ઈંજન 16 PS નું પાવર અને 14.65 Nm પિક ટોર્ક જનરેટ કરે છે. સાથે જ કંપની 5-સ્પીડ ગિયારબોક્સ યુનિટ્સ પણ આપે છે. 

ટ્યુબલર ફ્રેમ ચેસિસ 
પલ્સર N160માં પલ્સર N250ની જેમ જ ટ્યુબલર ફ્રેમ ચેસિસ મળે છે. આ બાઇકમાં 37 mmનો એક ટેલિસ્કોપીક ફોર્ક અપ ફ્રન્ટ અને એક મોનો-શોકનો ઉપયોગ કરવાં આવ્યો છે. N160 માં સિંગલ ચેનલ અને ડબલ ચેનલ ABS નો ઓપ્શન પણ આપવામાં આવ્યો છે. 

શાનદાર ફીચર્સ 
પલ્સર N160માં ઘણા શાનદાર ફીચર્સ આપવામાં આવ્યા છે. જેમાં એક એલઇડી હેડલાઇટ્સ, એલઇડી ડીઆરએલ, એલઇડી ટેલલાઇટ અને એક સેમી ડિજિટલ ઇન્સ્ટ્રુમેન્ટ કન્સોલ અને એક યુએસબી ચાર્જિંગ પોઈન્ટ પણ આપવામાં આવ્યા છે. 

બ્રેકિંગ સિસ્ટમ 
પલ્સર N160માં ડ્યુઅલ ચેનલ ABS વેરિયન્ટમાં ફ્રન્ટ 300mm ડિસ્ક મળે છે જ્યારે સિંગલ ચેનલ ABS વેરિયન્ટમાં ફ્રન્ટ 280mm ડિસ્ક આપવામાં આવી છે. બંને વેરિયન્ટમાં રિયર ડિસ્કની સાઈજ 230mm છે.