ધનબાદની શૂટર કોનિકા લાયકે સોનૂ સુદને ટ્વિટ કરીને મદદ માંગી હતી. તેના માટે સોનુ સુદ આગળ આવ્યા છે. તેણે લખ્યું કે, 11મી ઝારખંડ સ્ટેટ રાઇફલ શૂટિંગ ચેમ્પિયનશીપ 2020માં એક ગોલ્ડ અને એક સિલ્વર જીતે છે પણ ઝારખંડ સરકારથી કોઇ મદદ નથી મળી. પ્લીઝ મદદ કરો.
સોનૂ સુદે શું આપ્યો જવાબ
આ ટ્વિટ પર જવાબ આપતા સોનૂ સુદે જવાબ આપ્યો હતો કે હું રાઇફલ આપીશ. તમે દેશને મેડલ આપજો. તમારા સુધી રાઇફલ પહોંચી જશે. કોનિકા ઉધારની રાઇફલથી મેચ રમી રહી છે.
જર્મનીથી આવશે રાઇફલ
કોનિકાએ જણાવ્યુ હતુ કે 1 લાખ 66 હજાર રૂપિયાની મદદ કરી છે પણ બાકીના પૈસા મળી શક્યા નથી. હવે સોનૂ સૂદની મદદથી તેણે આ કંપનીને કોન્ટેક્ટ કર્યો છે. જ્યાંથી કોનિકાને રાઇફલ મંગાવવી હતી. હવે સોનુ સીધી તે કંપની સાથે સંપર્ક કરીને રાઇફલ 75 દિવસમાં મંગાવી આપશે.
નેશનલ ક્વોલિફાઇ કરી ચૂકી છે કોનિકા
ધનસાર એરિયાની રહેનારી કોનિકા શ્રેષ્ઠ શૂટર છે. તે ભારત તરફથી ઓલિમ્પિક રમીને દેશનુ નામ રોશન કરવા માંગે છે. તે નેશનલ 2016,17,18માં ક્વૉલિફાઇ કરી ચૂકી છે. કેટલાક પોઇન્ટના કારણે તેને ભારતની ટીમમાં સ્થામ મળ્યુ નહોતુ તેનુ સૌથી મોટુ કારણ રાઇફલ ન મળવુ હતુ.