અમદાવાદ શહેરના નારોલ નજીક આવેલ પીરાણા ડમ્પ સાઇટને નેશનલ ગ્રીન ટ્રિબ્યુનલ દ્વારે રાજ્ય સરકાર અને મ્યુનિસિપલ કોર્પોરેશનને એક વર્ષમાં દૂર કરવાનો આદેશ આપવામાં આવ્યો છે. જેને લઇને આ અંગેની કામગીરી 6 મહિનાની અંદર ચાલુ કરી દેવાનું જણાવવામાં આવ્યું છે.
નેશનલ ગ્રીન ટ્રિબ્યુનલે પોતાના આદેશમાં કહ્યું હતું કે પીરાણા પાસે આવેલ ડમ્પ સાઇટને દૂર કરવા માટે એક વર્ષથી વધારેનો સમય લાગશે નહીં. જો કે આ સાથે અમદાવાદ મ્યુનિસિપલ કોર્પોરેશનને આગામી 6 મહિનામાં જ આ અંગેની કામગીરીનો પ્રારંભ કરી દેવો જોઇએ તેમ જણાવ્યું છે.
જો કે આ અગાઉ શહેરના નારોલ વિસ્તાર નજીક આવેલા પીરાણા ડમ્પ સાઇટને દૂર કરવા 3થી 5 વર્ષનો સમય આપવામાં આવ્યો હતો. જ્યારે નેશનલ ગ્રીન ટ્રિબ્યુનલે ગુજરાત પ્રદૂષણ નિયંત્રણ બોર્ડ દ્વારા લેવામાં આવતા પ ગલાને લઇને સંતોષ વ્યક્ત કર્યો હતો.
ઉલ્લેખનીય છે કે ગુજરાત પ્રદૂષણ નિયંત્રણ બોર્ડ દ્વારા ઔદ્યોગિક એકમો દ્વારા કરવામાં આવતા પ્રદૂષણને ડામવા માટે વિવિધ પગલા લેવામાં આવી રહ્યાં છે. નેશનલ ગ્રીન ટ્રિબ્યુનલે આ સમસ્યાનું જલદી નિવારણ લાવવા અંગ જણાવ્યું હતું. જો કે જેને લઇને NGTએ ઇન્દોર મોડલ અપનાવવા અંગે કહેવામાં આવ્યું હતું.