વિવાદ / 'લક્ષ્મી' ફિલ્મ રિલીઝ થાય તે પહેલા જ બદલી નાંખવામાં આવ્યું અક્ષયના પાત્રનું નામ ? 

• આજે રિલીઝ થશે ફિલ્મ લક્ષ્મી 
• અક્ષયના પાત્રનું નામ આસિફ 
• મેકર્સે અક્ષયનું નામ પણ બદલ્યુ? 

મહત્વનું છે કે, હાલમાં જ થયેલા મોટા વિવાદના કારણે ફિલ્મનું નામ બદલી દેવામાં આવ્યું છે પરંતુ લોકોને હજુ પણ ફિલ્મના નામથી નારાજગી છે. ટ્વિટર પર નેટિઝન્સ હવે ફિલ્મને જ બૅન કરી દેવાની માગ કરી રહ્યાં છે. પહેલા કહેવામાં આવ્યું કે ફિલ્મના આ પ્રકારના નામથી હિન્દુઓની લાગણીઓ દુભાઇ રહી છે. બાદમાં હવે એવું કહેવામાં આવી રહ્યું છે કે આ ફિલ્મ લવ-જેહાદને સપોર્ટ કરી રહી છે. 

અક્ષયના પાત્રનું નામ 
ફિલ્મમાં અક્ષયના પાત્રનું નામ આસિફ છે અને તે એક હિન્દુ છોકરી સાથે પ્રેમમાં પડે છે. ફિલ્મ પર ચાલેલા આ પ્રકારના વિવાદને કારણે મેકર્સે ફિલ્મના નામ સાથે સાથે અક્ષયના પાત્રનું નામ પણ બદલી દેવાનું વિચાર્યું છે. હવે જોવાનું તે રહેશે કે ફિલ્મમાં અક્ષયના પાત્રનું નામ એ જ છે કે બદલી દેવામાં આવ્યું છે. 

નોંધનીય છે કે આ ફિલ્મને આજે સાંજે 7.30 વાગે ડિઝની પ્લસ હોટસ્ટાર પર રિલીઝ કરવામાં આવશે. ફિલ્મ જોયા બાદ હવે તેના રિવ્યુ શું કહે છે તે જોવાનું રહેશે.