ગુજરાત વિધાનસભાની ચૂંટણીમાં ભાજપે રેકોર્ડ બ્રેક સિટો હાંસલ કરી છે ત્યારે અમદાવાદના હાટકેશ્વર સર્કલ પર આવેલ રોશન બેકરીના મુસ્લિમ પરિવારે ભાજપની ભવ્ય વિજયની અનોખી ઉજવણી કરી હતી. આ પરિવાર દ્વારા 151 કિલો બુંદીના લાડુઓ નાગરિકોને મોં મીઠું કરાવીને વિતરણ કર્યા હતાં. ઢોલનગારા સાથે આતશબાજી કરી ને વાજતે ગાજતે ભાજપના જીતનો જશ્ન મનાવવામાં આવ્યો હતો.
મુસ્લિમ પરિવારે ભાજપની જીતની અનોખી ઉજવણી કરી
ભાજપ જીતે અને મુસ્લિમ પરિવાર જશ્ન મનાવે તેવુ ભાગ્યે જ જોવા મળતુ હોય છે પરંતુ અમદવાદામાં આવા દ્વશ્યો ગઈકાલે જોવા મળ્યા હતા. અમદાવાદના હાટકેશ્વર ખાતે બેકરી ચલાવતા એક મુસ્લિમ પરિવારે ગઈકાલે ભાજપના જશ્નનની ઉજવણી કરી હતી. માત્ર ઉજવણી જ નહીં પોતાના ખર્ચે 151 કીલો બુંદીના લાડુ બનાવ્યા હતા અને આસપાસના વિસ્તારોમાં વેંચ્યા પણ હતા. મહત્વનું છે કે ગુજરાતમાં 150 કરતા વધુ સિટો ભાજપે પોતાના કબ્જે કરી અને કોંગ્રેસના સુફાડા સાફ કર્યા બાદ ભાજપના કાર્યકરો તો ખુશ છે પરંતું બેકરીનો વેપારી પણ એટલો ખુશ થયો કે તેણે ખુશીમાં 151 કીલો લાડુ બનાવી લોકોમાં વહેંચ્યા હતા.
151 કિ.લો બુંદીના લાડુ બનાવી વહેંચ્યા
ભાજપની જીત બાદ લાડુ વિતરણ કરનાર બેકરીના માલીક કહી રહ્યા છે કે ગુજરાતમાં છેલ્લા 25 વર્ષથી શાંતિ ભર્યું વાતાવરણ છે તેમણે જણાવ્યં કે, એક વેપારીને શું જોઈએ. શાંતિ અને સમૃધ્ધિ. જે બંન્ને ભાજપના સાશનમાં અમને મળી રહી છે. અહીં ભાજપ વિકાસ કરી રહ્યું છે. તેમજ શાંતિ છે. તેમણે કહ્યું કે, કાયદો વ્યવસ્થા છે જેથી અમે ભાજપના ચાહક છીએ અને ભાજપે 150 કરતા વધુ બેઠકો હાંસલ પણ કરી છે માટે અમે 151 કીલો લાડુથી લોકોના મોઢા મીઠા કરાવ્યા હતા અને ખુશી વ્યક્ત કરી હતી તેમજ ફટાકડા ફોડીને જીતનો સેલિબ્રેશન પણ કર્યું હતું.