ભરૂચના અંકલેશ્વરમાં 12 વર્ષીય કિશોરની હત્યા કરાયેલી હાલતમા મૃતદેહ મળી આવ્યો હતો. આ મામલે ચોંકાવનારો ખુલાસો થયો છે.
ભરૂચના અંકલેશ્વરમાં 12 વર્ષીય કિશોરની હત્યા મામલો
કાકાએ જ ભત્રીજાની હત્યા કરી હોવાનો ચોંકાવનારો ખુલાસો
ભાભી સાથે આડાસંબંધમાં આડખીલીરૂપ કિશોરની હત્યા કરાઈ
ભરૂચના અંકલેશ્વરમાં 12 વર્ષીય કિશોરની હત્યા મામલે ચોંકાવનારો ખુલાસો થયો છે. જેની તપાસમાં ઘરના જ ઘાતકી બન્યા હોય તેમ કાકાએ જ ભત્રીજાની હત્યા કરી હોવાનો ઘટસ્ફોટ થયો છે. ભાભી સાથે આડાસંબંધમાં આડખીલીરૂપ કિશોરની કાકા અને માતાએ હત્યા કરાઈ હતી. પોલીસે સમગ્ર મામલે કાર્યવાહી હાથ ધરી છે અને 8 વર્ષથી ચાલતા પ્રેમ સંબંધમાં ઉત્તરપ્રદેશ SOGમાં ડ્રાઈવર રહેલા કાકાએ પ્લાન ઘડી કાઢ્યો હોવાનો ઘટસ્ફોટ થયો છે.
આ અંગેની વિગત એવી છે કે, અંકલેશ્વર તાલુકાના સારંગપુરમાં સોનમ સોસાયટીમાં રહેતા મૂળ UP ના સત્યપ્રકાશ સિવરામસિંહ યાદવનાનો 13 વર્ષીય પુત્ર એક સપ્તાહ પહેલા પિતા સાથે સાયકલ લઈ ગયા બાદ પરત ફર્યો ન હતો. ત્યારબાદ કિશોરની માતા મમતાદેવીએ કૌટુંબિક કુંવારા દેવરને સાથે રાખી અંક્લેશ્વર GIDC પોલીસ મથકે ફરિયાદ નોંધાવી હતી. ત્યારબાદ પોલીસની તપાસમાં સગીરની લાશ મળી આવતા હત્યાની કલમ પણ ઉમરાઇ હતી.પોલીસે સ્થળ વીઝીટ કરી તપાસ કરતા ક્રિષ્ના છેલ્લે તેના કાકા ભગવંતસીંગ ઉર્ફે શૈલેન્દ્રસિંહ યાદવ સાથે જોવા મળ્યો હતો.
ચોંકાવનારા ખુલાસા
પોલીસે કાકા ભગવંતસિંહને ઉઠાવી પૂછપરછ કરતા બીજી પણ હત્યાનો પ્લાન હોવાનો ખુલાસો થયો હતો. છેલ્લા 8 વર્ષથી મૃતકની માતા મમતાદેવી અને ભગવંતસિંહને અનૈતિક સંબંધ હતો. માતા મમતાદેવીએ હંમેશા માટે એક્બીજાની સાથે રહી શકાય તે માટે પુત્ર ક્રિષ્ણાને રસ્તામાંથી હટાવવાનું નક્કી કર્યું હતું.UP પોલીસમાં ડ્રાઈવર તરીકે ફરજ બજાવતો કુંવારો ભગવંતસીંગનો કૌટુંબિક ભાઇ સત્યપ્રકાશની પત્ની મમતાદેવી સાથે છેલ્લા આઠેક વર્ષથી લગ્ન બાહ્યત્તર પ્રેમ સંબંધ હતો. બન્ને એકબીજા સાથે રજીસ્ટર મેરેજ કરવા મુળ વતનથી કાનપુર કોર્ટમાં ગયા હતા.
ગાળું દબાવી હત્યા નિપજાવી
જ્યાં વકીલે સલાહ આપેલ કે જ્યાં સુધી મમતાદેવીના છુટાછેટા કે વિધવા ન થાય ત્યાં સુધી તેઓ રજીસ્ટર મેરેજ કરી શકશે નહિ.જે બાદ દિયર અને પરણીતાએ મળી પ્રથમ હોશિયાર પુત્ર ક્રિષ્ના અને ત્યાર બાદ પતિ સત્યપ્રકાશને પોતાના રસ્તામાંથી હટાવવાનું નક્કી કર્યું હતું બન્ને ક્રિષ્ણાને રસ્તામાંથી હટાવવા યોગ્ય સમયની રાહ જોતા હતા અને 23 જાન્યુઆરીએ મોકો મળતા સાંજે કાકા ભગવંતસીંગ રસ્તામાં તેને મળી સાયકલ પર બેસાડી ઉછાલી ગામ તરફ અવાવરૂ જગ્યામાં લઇ ગયો હતો. પાછળથી પકડી ગળું દબાવી હત્યા કરી ક્રિષ્ણાના કપડા કાઢી લઇ લાશને પાણીમાં ફેંકી દીધી હતી. પોલીસે બન્ને હત્યારાઓની ધરપકડ કરી કાયદેસરની કાર્યવાહી હાથ ધરી છે.