દુર્ઘટના / VIDEO : જોધપુરમાં સ્કૂટી સાથે ભૂવામાં સમાઈ ગયા વૃદ્ધ, લોકોએ કહ્યું- ગેહલોતજી આ વિકાસ છે

• રાજસ્થાનના જોધપુરમાં અચાનક રસ્તા પર પડ્યો મોટો ભૂવો
• સ્કૂટી સાથે વૃદ્ધ ભૂવામાં સમાઈ ગયા
• જોધપુર મુખ્યમંત્રી અશોક ગેહલોતનો મતવિસ્તાર 
• લોકોએ કટાક્ષ કરતા કહ્યું- આ વિકાસ કહેવાય 

રાજસ્થાનના મુખ્યમંત્રી અશોક ગેહલોતના ગૃહનગર જોધપુરના રસ્તાઓ ખૂબ ખરાબ થયા છે. થોડા દિવસ પહેલા ખુદ અશોક ગેહલોતે અધિકારીઓને જાહેરમાં ખખડાવીને તાત્કાલિક રોડ સમા કરાવવાનો ઓર્ડર કર્યો હતો. હવે ખરાબ રસ્તાનો ભોગ એક વૃદ્ધ બન્યાં હતા. 

#Jodhpur #jodhpurmaimagic @ashokgehlot51 @INCIndia @Bollywoodtrack_ @PMOIndia @narendramodi @AmitShah @gssjodhpur #Jodhpur mai sadak faad ke nikali scooty #jodhpur mai adbhut Karishma #Jodhpur main road fati scooty nikli thanks to all departments pic.twitter.com/PtgxPZqwPK

— Viren Joshi (@Virenjoshi1993) September 24, 2022

સ્કૂટી સાથે ખાડા ભેગા થયા વૃદ્ધ 
શહેરના ભગત કી કોઠી વિસ્તારમાં એક વૃદ્ધ પોતાની સ્કૂટી લઈને જઈ રહ્યાં હતા. અચાનક રસ્તા વચ્ચે એક મોટો ભૂવો પડ્યો હતો અને તેઓ સ્કૂટી સાથે ભૂવામાં સમાઈ ગયા હતા. 

जोधपुर: सड़क पर अचानक बना गड्ढा और स्कूटी सहित समा गए बुजुर्ग... पीड़ित की जुबानी सुनिए कैसे हुआ हादसा...#NBTRajasthan #RajasthanNews #Jodhpur pic.twitter.com/JJRnbaPN1L

— NBT Rajasthan (@NbtRajasthan) September 24, 2022

યુવાનોએ ભેગા થઈને વૃદ્ધ અને સ્કૂટીને બહાર કાઢ્યાં 
વૃદ્ધને ખાડામાં પડતા જોઈને કેટલાક લોકો તેમને બચાવવા દોડ્યાં હતા. યુવાનોએ ભેગા થઈને વૃદ્ધ અને તેમની સ્કૂટીને ખાડામાંથી બહાર કાઢ્યાં હતા. ખાડામાં પડતાં વૃદ્ધને ઘણું વાગ્યું છે અને તેમને નજીકની હોસ્પિટલ લઈ જવાયા હતા. આ ઘટનાનો એક વીડિયો વાયરલ થયો છે.

અશોક ગેહલોતજીનો જોરદાર વિકાસ- યૂઝરનો કટાક્ષ 
વીડિયો વાયરલ થયા બાદ લોકોએ પણ રાજ્ય સરકાર અને મુખ્યમંત્રીની ખૂબ મજાક ઉડાવી હતી. ટ્વિટર પર યૂઝર્સ વીડિયો અને ફોટા શેર કરીને ગેહલોત સરકાર પર કટાક્ષ કરી રહ્યાં છે. એક યૂઝરે લખ્યું કે અશોક ગેહલોતજીનો જોરદાર વિકાસ, રસ્તા વચ્ચે શરુ કરી ઓટોમેટિક પાર્કિંગ સુવિધા. બીજા એક યૂઝરે લખ્યું કે સડક ફાડીને નીકળી સ્કૂટી, જોધપુરમાં અદ્દભૂત કરિશ્મા. ત્રીજાએ લખ્યું કે અંડરગ્રાઉન્ડ પાર્કિંગની સુવિધા, 70 વર્ષમાં પહેલી વાર, ઊભા ઊભા પાર્કિંગ કરો. ઓન રોડ પાર્કિંગની સુવિધા.