વાયરલ / કેમ ભૂલું મારા લાડકવાયાને ! શહીદ પુત્રની તસવીર જોઈને માતાએ શું કર્યું જુઓ, વીડિયો જોઈને રડી પડશો

• છત્તીસગઢના સુકમાના દોરનાપાલનો વીડિયો 
• શહીદ દીકરાની તસવીર જોઈને માતા રડી પડ્યાં 
• દીકરાની તસવીરને ઝૂકી ઝૂકીને કીસ કરવા લાગ્યા 

પુત્ર જ્યારે દેશ કાજે શહીદ થાય છે ત્યારે માતા તો જીવતે જીવ મરી જતા હોય છે. દીકરાના મોતનો આઘાત જો કોઈને સૌથી વધારે લાગતો હોય તો તે માતા છે કારણ કે પુત્ર માતાનું જ સર્જન છે અને જ્યારે પોતાનું સર્જન નષ્ટ થાય છે ત્યારે તેની પીડા માતા કરતા બીજું કોઈ કેવી રીતે જાણી શકે પણ ખેર આ તો બધા નસીબના ખેલ. 

आपके लिए जवान शहीद हो गया होगा एक माँ के लिए आज भी ज़िंदा है

तस्वीर दोरनापाल की है जहां बीते दिनों शहीद जवानों को याद किया गया। इस दौरान एक शहीद जवान की माँ भी पहुँची थी।बाक़ी तस्वीरें सब बयां कर रही हैं।आप तो बस आँखों के किनारे भिगो लीजिए :@ranutiwari_17 pic.twitter.com/q8nhOUaqJW

— Bastar Talkies (@BastarTalkies) April 24, 2022

શહીદ પુત્રની તસવીર જોઈને રડી પડતી માતાનો વીડિયો વાયરલ 

સોશિયલ મીડિયા પર એક ઈમોશનલ વીડિયો સામે આવ્યો છે. વીડિયોમાં એક માતા પોસ્ટર પર પોતાના શહીદ પુત્રની તસવીરને વારંવાર કિસ કરી રહી છે. જેને પણ આ વીડિયોએ આંખો ભીની બનાવી દીધી. વીડિયોમાં જોઈ શકાય છે કે કેવી રીતે એક માતા પોતાના શહીદ પુત્રની તસવીર જોઈને અત્યંત ભાવુક થઈ જાય છે. ક્યારેક તે રૂમાલથી દીકરાની તસવીર લૂછી નાખે છે તો ક્યારેક તસવીરને કિસ કરે છે. તેના આંસુ અટકવાનું નામ નથી લઈ રહ્યા. શહીદ પુત્ર પ્રત્યે માતાનો પ્રેમ અને લગાવ જોઈને ઘટનાસ્થળે હાજર લોકો પણ ભાવુક થઈ જાય છે.

છત્તીસગઢના સુકમાના દોરનાપાલમાં શહીદ સ્મારકમાં પુત્રની તસવીર જોઈને માતા રડી પડ્યાં 

રિપોર્ટ અનુસાર આ વીડિયો છત્તીસગઢના સુકમા જિલ્લાના ડોર્નાપાલનો છે. અહીં શહીદ સૈનિકો માટે એક સ્મારક બનાવવામાં આવ્યું હતું, જેમાં શહીદોના પરિવારજનો આવી પહોંચ્યા હતા. આ સમય દરમિયાન જ્યારે એક શહીદ જવાનની માતાએ પોતાના પુત્રની તસવીર જોઇ તો તે પોતાની જાતને રોકી શકી નહીં. તેની આંખોમાંથી આંસુ વહી રહ્યાં હતાં.

જવાનની શહાદતને સૌ કોઈની સલામ 

જવાનની શહાદતને સૌ સલામ કરી રહ્યા છે. યુઝર્સ પણ તેના પર જોરદાર પ્રતિક્રિયા આપી રહ્યા છે. આ વીડિયોએ સોશિયલ મીડિયા યુઝર્સની આંખો પણ ભીની કરી દીધી હતી. એક યુઝરે લખ્યું કે, આ જોઈને મારી આંખોમાંથી આંસુ રોકી શકતા નથી. બીજા એક યુઝરે કહ્યું, તે માતાનું દુઃખ પણ અનુભવી શકાતું નથી.સેંકડો યુઝર્સે પણ આ યુવાનની શહાદતને સલામ કરી છે અને તેની માતાને સલામ કરી છે. યુઝર્સે કહ્યું કે, દેશ માટે પોતાના લાલનું બલિદાન આપનારી આવી માતાને લાખો વખત સલામ.