મધ્યપ્રદેશી ઈન્દોરની એક માતાને પોતાના લાડકવાયા કરતા વસ્તુઓ વ્હાલી લાગી અને ઘરેલુ વસ્તુઓ ખરીદવા માટે સગી જનેતા ઉઠીને પોતાના 15 દિવસના છોકરાને વેચી નાખ્યો અને તેમાં તેના પતિએ સાથ આપ્યો, આ ઘટનાએ સમાજમાં ભારે ચકચાર જગાવી છે અને લોકો કળીયુગી માતા પર ફિટકાર વરસાવી રહ્યાં છે. આવો જાણીએ સમાજ માટે આ લાંછનરુપ કિસ્સો.
પતિની સંમતિથી 5 લાખમાં બીજા દંપતિને વેચી નાખ્યું બાળક
મધ્યપ્રદેશમાં માતાના સ્નેહ પર શરમનો કિસ્સો ઈન્દોરમાં સામે આવ્યો છે. અહીં એક માતાએ પોતાના 15 દિવસના નવજાત બાળકને વેચી દીધું. માતાએ બાળકને વેચીને મળેલા પૈસાથી ફ્રિજ, ટીવી અને વોશિંગ મશીન જેવી વસ્તુઓ ખરીદી હતી. આરોપી માતાએ પતિની સંમતિથી આ સોદો કર્યો હતો. આ મામલે પોલીસે કુલ આઠ આરોપીઓ સામે ગુનો નોંધ્યો છે, જેમાંથી 6 આરોપીઓની પોલીસે ધરપકડ પણ કરી લીધી છે.
પતિને બાળકને લઈને હતી શંકા એટલે બીજાને વેચી નાખ્યું
ઇન્દોરના હિરા નગર વિસ્તારની રહેવાસી મહિલા શાયના બીએ પોલીસને જણાવ્યું કે, તેના પતિને બાળકને લઇને શંકા છે. "મારા પતિ ગર્ભપાત કરાવવા માંગતા હતા, પરંતુ સમય પૂરો થઈ ગયો હોવાથી, અમે બાળકને દલાલો દ્વારા વેચવાની યોજના બનાવી અને બાળકને દેવાસના એક દંપતીને વેચી દીધું. પોલીસે જણાવ્યું કે, બાળકને લીના નામની મહિલાએ ખરીદ્યો હતો. લીનાએ જણાવ્યું હતું કે તેના બે બાળકોનું તાજેતરમાં જ મોત નીપજ્યું હતું. જે બાદ તેણે બાળકને સાડા પાંચ લાખમાં ખરીદ્યું હતું.
પોલીસે આઠ આરોપીની કરી ધરપકડ
પકડાયેલા આઠ આરોપીઓમાંથી છ આરોપી પોલીસે જણાવ્યું કે બાળકને વેચ્યા બાદ મળેલા પૈસાથી મહિલાએ ટીવી, ફ્રિજ, કૂલર અને વોશિંગ મશીન જેવી વસ્તુઓ ખરીદી હતી, જેને જપ્ત કરી લેવામાં આવી છે. પોલીસે જણાવ્યું કે, "સામાજિક કાર્યકર્તાઓ દ્વારા આ મામલાની જાણકારી આપવામાં આવી હતી. આ મામલે આરોપી માતા શાયરા બી સહિત 8 લોકો સામે કેસ નોંધવામાં આવ્યો છે. તેમાં એક સગીર પણ છે. જેમાં છ આરોપીઓની ધરપકડ કરવામાં આવી છે અને બે હાલ ફરાર છે. પોલીસે દાવો કર્યો હતો કે ટૂંક સમયમાં ફરાર આરોપીને પણ પકડી લેવામાં આવશે.