હૃદય દ્રાવક ઘટના / માં તારો જીવ કેમ ચાલ્યો! 3 માસની દીકરીને હોસ્પિટલમાં મૂકી માતાએ જે કર્યું તે જાણી આંસુ આવી જશે

• અનન્યાના આંસુ ક્યારે રોકાશે?
• 3 માસની બાળકીને મુકી માતા ફરાર
• પોસ્ટર ઝૂંબેશથી માતાની શોધખોળ

પિતાના ખોળામાં માને શોધી રહેલી 3 માસની અનન્યાની માતા કયા છે? તેને પોલીસ શોધી રહી છે. પરિવારે પોસ્ટર ઝુંબેશથી શોધખોળ શરૂ કરી છે. પરંતુ હજુ સુધી અનન્યાની માતાને શોધી શક્યા નથી. જશોદાનગરમા રહેતા અમિત મિશ્રાની 3 માસની દિકરી અનન્યાની તબીયત ખરાબ થઈ હતી. જેથી સારવાર માટે એલ.જી હોસ્પિટલમાં ખસેડવામા આવી હતી. 25 નવેમ્બરના રોજ દિકરીને એડમિટ કરવામાં આવી હતી. ત્યારે તેમની પત્ની વિભા હોસ્પિટલમાં રોકાઈ હતી. 27 નવેમ્બરના દિવસે વિભા પોતાની દિકરીને હોસ્પિટલમાં મૂકીને ફરાર થઈ ગઈ હતી. સીસીટીવી ફુટેજમાં વિભા હોસ્પિટલમાંથી નીકળતા કેદ થઈ હતી. પરિવારે શોધખોળ કરી હતી, પરંતુ વિભા ન મળી આવતા પરિવારે ગુમ થવાને લઈને મણીનગર પોલીસ સ્ટેશનમાં ફરિયાદ નોંધાવી હતી.

હજુ સુધી નથી લાગ્યો બાળકીની માતાનો પત્તો
બાળકીના માતાના ગુમ થવાના 5 દિવસ બાદ પણ હજુ પતો લાગ્યો નથી. માતા વગર ત્રણ માસની બાળકી રડી રહી છે. જ્યારે પરિવાર પણ દયનીય હાલતમાં છે. પિતા દિકરીને તો સાચવે છે પરંતુ પત્નીને શોધવા પોસ્ટર ઝુંબેશ શરૂ કર્યુ. એસ.ટી સ્ટેન્ડ, રેલવે સ્ટેશન હોય કે બજારો પત્નીના ફોટોના પોસ્ટર લગાવીને શોધખોળ શરૂ કરી છે..પત્ની માનસિક નબળી હોવાથી ક્યાંય નીકળી ગઈ હોવાની શંકા પરિવારે વ્યક્ત કરી છે, પરંતુ વિભા કયા જતી રહી તે સવાલ છે. દિકરીને હોસ્પિટલમાં મુકીને કેમ નીકળી ગઈ તે પ્રશ્નોને લઈને પોલીસે પણ પરિવાર અને હોસ્પિટલના કર્મચારીઓના નિવેદન લઈને તપાસ શરૂ કરી છે.

પોલીસે શોધખોળ કરી શરૂ
બાળકીની માતાને પોલીસ શોધી રહી છે. કારણ કે 3 માસની દિકરી માતાનો ખોળો શોધીને રહી છે. ત્યારે મણીનગર પોલીસે જુદી જુદી ટીમો બનાવીને સીસીટીવી ફુટેજના આધારે વિભાની શોધખોળ શરૂ કરી છે.