સાઉથ આફ્રીકાના ઓલરાઉન્ડર ક્રિસ મૉરિસે આઇપીએલ ઓક્શનમાં ઇતિહાસ રચ્યો છે. 33 વર્ષના મૉરિસને રાજસ્થાન રોયલે 16.25 કરોડ રૂપિયામાં ખરીદી લીધો છે.
ક્રિસ મૉરિસે તોડ્યો યુવરાજનો રેકોર્ડ
આઇપીએલનો સૌથી મોંઘા ખેલાડી
રાજસ્થાનની ટીમે લગાવી છેલ્લી બોલી
યુવરાજનો તોડ્યો રેકોર્ડ
મૉરિસે યુવરાજને પણ પાછળ છોડી દીધો છે. મૉરિસ આઇપીએલનો સૌથી મોંઘો ખેલાડી બની ગયો છે. યુવરાજને દિલ્હી ડેરડેવિલ્સે 2015માં 16 કરોડ રૂપિયામાં ખરીદ્યો હતો. સાથે જ આ આફ્રીકી ધુરંધર વિરાટ કોહલી બાદ આઇપીએલમાં સૌથી વધુ સેલેરી લેનાર ખેલાડી બની ગયો છે.
RCB ના વિરાટની સેલેરી 17 કરોડ રૂપિયા છે. મૉરિસે નિલામીમાં પોતાની બેઝ પ્રાઇસ 75 લાખ રૂપિયા રાખી હતી. મુંબઇ ઇન્ડિયન્સ, પંજાબ કિંગ્ઝ અને રોયલ ચેલેન્જર્સ બેંગ્લોરે પણ મોરીસને ખરીદવા માટે બોલી લગાવી પણ છેલ્લે રાજસ્થાને જ બાજી મારી લીધી.
IPL Auctionમાં સૌથી મોંઘા ખેલાડી
ક્રિસ મૉરિસ - 2021માં 16.25 કરોડ
યુવરાજ સિંહ - 2015માં 16 કરોડ
પેટ કમિંસ - 2020માં 15.50 કરોડ
બેન સ્ટોક્સ - 2017માં 14.50 કરોડ
યુવરાજ સિંહ - 2014માં 14.00 કરોડ
ક્રિસ મૉરિસને રોયલ ચેલેન્જર્સ બેંગ્લોરની ટીમે આ વર્ષે રિલીઝ કરી દીધો હતો. મૉરિસે છેલ્લી સિઝનમાં આરસીબી માટે બૉલર તરીકે શાનદાર પ્રદર્શન કર્યુ હતુ. છેલ્લી ઓવરોમાં તે પોતાની જોરદાબ બેટિંગથી કોઇ પણ બૉલરને પછાડી શકતો હતો.
મૉરિસ 2015માં આઇપીએલમાં રાજસ્થાન રૉયલ માટે રમી ચૂક્યો છે. મૉરિસ પહેલી વાર આઇપીએલમાં 2013માં ચેન્નઇ સુપર કિંગ્ઝ માટે રમ્યો હતો. તે દિલ્હી કેપિટલ્સ માટે પણ રમી ચૂક્યો છે.
મૉરિસે આઇપીએલમાં 70 મૅચમાં 23.95ની ઓસતથી 551 રન બનાવ્યા છે. જેમાં બે અર્ધશતક સામેલ છે. તેનો સૌથી વધારે સ્કોર 82 રનનો રહ્યો છે.
મૉરિસે 23.98ની ઓસતથી 80 વિકેટ પણ લીધી છે. 23 રન આપીને 4 વિકેટ લેવાનો તેનો બેસ્ટ રેકોર્ડ છે. મૉરિસના રૂપમાં રાજસ્થાનની ટીમને એક શ્રેષ્ઠ ઓલરાઉન્ડર મળ્યો છે.