વિશ્વના 199 દેશો કોરોના વાયરસની ઝપેટમાં આવી ગયા છે. જેને પગલે 200 કરોડો લોકો ઘરમાં બંધ છે. 2 ડઝનથી વધારે દેશોમાં સંપૂર્ણ લોકડાઉન છે. જેને પગલે વૈશ્વિક અર્થ વ્યવસ્થા ખોરવાઈ ગઈ છે. ત્યારે મહાસત્તા ગણાતું અમેરિકા કોરોનાના કેસને પગલે ચીન અને ઈટલીને પછાડી આગળ વધી ગયું છે. અમેરિકામાં 48થી પણ ઓછા કલાકોમાં 17 હજારથી પણ વઘારે કોરોના વાયરસના કેસ નોંધાયા છે. અમેરિકાનો આંકડો ચિંતાજનક છે. જાણો, અમેરિકાના ગ્રાફમાં કેટલો વધારે થયો છે. ઈટલી પ્રથમ નંબરેથી કેમ ત્રીજા નંબરે આવી ગયું. પ્રથમ નંબરે રહેલ ચીન કેમ બીજા નંબર પર આવી ગયું.
અમેરિકામાં રાતે રાત 17 હજારથી વધારે કોરોનાના કેસ
અમેરિકામાં ચીન અને ઈટલી કરતા પણ વધારે કેસ
વિશ્વમાં કોરોનાના સૌથી વધારે કેસ અમેરિકામાં
અમેરિકામાં હાલ કોરોનાના દર્દીઓનો આંક 85, 435 કુલ પહોંચ્યો છે. જ્યારે 1295 લોકોના મોત નિપજ્યા છે. તો 82, 272 એક્ટિવ કેસ છે. ત્યારે આ બાબત ગંભીરતા ન દાખવનાર અમેરિકાએ પ્રેસ કોન્ફરન્સ બોલાવી છે. ત્યારે ઈમરજન્સીની જાહેરાત થઈ શકે છે. ઉલ્લેખનીય છે કે ફેડરલ ફંડમાં 50 અબજ ડૉલરની જાહેરાત કરાયી ચૂકી છે. તેમજ હવે તેમણે ટેસ્ટની કામગીરી ઝડપી કરી છે. અત્યાર સુધી અમેરિકાએ કોરોનાને રોકવા બહું ધીમી ગતિએ કામ કર્યુ છે.
ચાર દિવસ પહેલા અમેરિકા14 321 કેસ અત્યારે 85, 435 કેસ છે.
અમેરિકામાં 24 કલાકમાં કોરોના વાયરસ 17 હજાર કરતા પણ વધારે કેસ નોંધાયા છે. આ સાથે જ અમેરિકા ત્રીજા નંબર પરથી પહેલા નંબર પર આવી ગયું છે. 3થી 4 દિવસમાં અમેરિકામાં કોરોનાના કેસમાં સતત વધારો થઈ રહ્યો છે. 24 માર્ચના રોજ અમેરિકામાં માત્ર 14 321 કેસ નોંધાયા હતા. તેણે પોતાના બે સિટી લોકડાઉન કર્યા હતા. આજે અમેરિકાની બેદરકારીને લીધે વિશ્વના સૌથી વધારે કોરોનાના દર્દીઓ અમેરિકામાં છે.
ઈટલીને પાછળ છોડી પ્રથમ નંબરે છે અમેરિકા
અમેરિકામાં 24 કલાક પહેલા 60,653 જેટલા કેસ હતા. જેમાં રાતો રાત અધધ વધારો થયો છે. 17 હજારથી પણ વધારે કેસ નોંધાતા અમેરિકામાં હાલ કોરોનાના દર્દીઓનો આંક 85, 435 કુલ પહોંચ્યો છે. જ્યારે 1295 લોકોના મોત નિપજ્યા છે. તો 82, 272 એક્ટિવ કેસ છે. જેની સરખામણીએ 1868 લોકો સાજા થયા છે. પ્રથમ નંબરે રહેલી ઈટલીની વાત કરીએ તો ઈટલીમાં કુલ 80589 કેસ નોંધાયા છે. 8,215ના મોત નિપજ્યા છે. જ્યારે અહીં 62013 એક્ટિવ કેસ છે. તેની સરખામણીએ 10, 361 લોકો સાજા થયા છે. પ્રથમ નંબરે રહેતુ ઈટલી આજે ત્રીજા નંબરે છે. જ્યારે એપી સેન્ટર ગણાતુ ચીન બીજા નંબરે છે. ચીનનો આંક જોઈએ તો 81, 340 એક્ટિવ કેસ છે. જ્યારે અત્યાર સુધીમાં અહીં 3292 લોકોના મોત નીપજ્યા છે. જ્યારે અહીં એક્ટિવ કેસની સંખ્યા 3460 છે. ચીને આ જંગમાં મોટી સફળતા મેળવી છે. તેને વુહાનમાંથી લોકડાઉન હટાવી દીધું છે. એટલું જ નહીં ચીને ગ્રેટ વોલ સહિતના અનેક પર્યટન સ્થળો ખોલી દીધા છે. તે સતત આ લડાઈમાં સફળતા પુર્વક આગળ વધી રહ્યું છે.
અત્યાર સુધી અમેરિકાએ આ બાબતે ગંભીરતા દાખવી નહોતી
18 માર્ચના અમેરિકાના આંક જોઈએ તો અહીં 100 લોકો થયા હતા. એક ન્યૂઝ એજન્સીના જણાવ્યા પ્રમાણે સૌથી વધારે મોત વોશિંગ્ટન રાજ્યામાં થયા હતા. જ્યારે ઉત્તર પશ્ચિમનાં રાજ્યોમાં 50 લોકોનાં મોત થયાં હતા . તેમજ ન્યૂયોર્કમાં 12 અને કેલિફોર્નિયામાં 11 લોકોનાં મોત થયાં હતા. અમેરિકાના 50 રાજ્યોમાં કોરોનાનો કહેર વર્તાયો હતો. પશ્ચિમ વર્જિનિયામાં પણ પ્રથમ કેસની કરાઈ કરવામાં આવી હતી. ઉલ્લેખનીય છે કે અમેરિકાએ કોરોનાને ફેલાતો રોકવા માટે અમેરિકાએ 2 મોટો રાજ્યો ન્યૂ જર્સી અને સૈન ફ્રાંસિસ્કોમાં કર્ફ્યૂની જાહેરાત કરી હતી. તેણે આ બન્ને રાજ્યોમાં કર્ફ્યૂ લગાવ્યો હતો.
અમેરિકા સમસ્યા સામે લડવાની જગ્યાએ શાબ્દિક યુદ્ધમાં ઉતર્યુ હતું
બીજી તરફ અમેરિકાના ડોનાલ્ડ ટ્રમ્પે કોરોને રોકવાની જગ્યાએ કોરોના વાયરસને ચીની વાયરસ કરી ચીન સાથે શાબ્દિક યુદ્ધમાં ઉતર્યા હતા. જેને પગલે ચીને પણ જવાબ આપ્યો હતો. એટલું જ નહીં ચીને અમેરિકન મીડિયા પર પ્રતિબંધ મૂક્યો છે. યુએસ મીડિયા અનુસાર, ચીને ન્યૂયોર્ક ટાઇમ્સ, વોલ સ્ટ્રીટ જર્નલ અને વોશિંગ્ટન પોસ્ટના પત્રકારો પર પ્રતિબંધ મૂક્યો છે.
હજું પણ અમેરિકાને લોકડાઉન રાખવામાં કોઈ રસ પડ્યો નહોતો
કોરોના વાયરસને પગલે અમેરિકાની સ્થિતિ દિવસે ને દિવસે ખરાબ થઈ રહી છે ત્યારે કોરોના વાયરસના એક્સપર્ટથી અલગ ડોનાલ્ડ ટ્રમ્પે ગત દિવસોમાં કહ્યું હતું કે તેમને લાગે છે કે એપ્રિલના મધ્યમાં ઇસ્ટર સુધી અમેરિકાની ઇકોનોમીને ખોલી દેવી જોઇએ. અમેરિકા આટલા બધા દિવસોના લોકડાઉન માટે તૈયાર નથી. જ્યારે મેડિકલ એક્સપર્ટોનું કહેવું છે કે આવુ કરવું ભયાનક નિવડશે અને જેના કારણે કોરોનાનું સંક્રમણ ઝડપી ફેલાશે.
ચીનથી કોરોનાની શરુઆત થઈ હતી અને તે એપીસેન્ટર હતુ
ચીનના વુહાનથી કોરોના વાયરસના ફેલાવાની શરુઆત થઈ હતી. ડિસેમ્બરથી શરુ થયેલા આ કહેરને પગલે ચીનમાં કોરોના વાયરસનું એપીસેન્ટર હતું. ચીને દેશે લોકડાઉન કરી રાત દિવસ મહેનત કરી હોસ્પિટલ ઉભી કરી આ વાયરસને ફેલાતો અટકાવવામાં ઘણા અંશે સફળતા મેળવી છે. ચીનમાં અત્યાર સુધીમાં કુલ 81, 340 કોરોનાના કેસ નોંધાયા છે. ચીનમાં 3292 લોકોના મોત છે. જ્યારે 74, 588 લોકો સાજા થઈ ગયા છે. હાલ ચીનમાં કોરોનાના 5 નવા કેસ સામે આવ્યાં છે. જેથી અહીં કુલ 3460 એક્ટિવ કેસ છે. જેમાંથી 1,034 સિરિયસ કેસ છે. જેની સરખામણીએ અમેરિકા ત્રીજા નંબર પર હતું તે આજે પહેલા નંબરે પહોંચી ગયું છે અને ઈટલી ત્રીજા નંબરે છે.
આ રીતે ઈટલી વિશ્વમાં ચીને પાછળ છોડી પ્રથમ નંબરે આવ્યું
ઈટલી અને અમેરિકામાં સતત કેસમાં વધારો થઈ રહ્યો છે. ચીનના કોરોનાના કેસની સંખ્યાને વટાવીને ઈટલી અને અમેરિકા આગળ નીકળી ગયા છે. ઈટલીમાં એક્ટિવ કેસની સંખ્યા વધતા તે પહેલા નંબર પર આવી ગયું હતું. 26 માર્ચ સુધી તે પ્રથમ નંબરે હતું. અંદાજે 24 કલાક પહેલા ચીન કુલ નોંધાયેલા 81, 218 કેસમાંથી એક્ટિવ કેસ 4,287 હતા. ત્યારે ઈટલીમાં કોરોનાના કુલ કેસ 74386 હતા. જેમાંથી 57521 એક્ટિવ કેસ હતા. જ્યારે ચીની સરખામણીએ ઈટલીમાં મૃત્યુ આંક જોઈએ તો ચીનમાં 3,281 કેસ હતા. જ્યારે ઈટલીમાં 7503 લોકોનાં મોત નિપજ્યા હતા. આ દરમિયાન અમેરિકા ત્રીજા નંબરે હતું. અમેરિકામા કોરોનાના કેસ 60, 653 હતા. એક્ટિવ કેસ 59, 447 હતા. જ્યારે મૃત્યુ આંક 819 હતો. જેથી તે ત્રીજા નંબરે હતું.
(નોંધ- તમામ આંકડા worldometers.info પરથી લેવામાં આવ્યા છે.) આલેખનઃ ધર્મિષ્ઠા પટેલ, અમદાવાદ