એક નવા વૈજ્ઞાનિક સ્ટડીમાં એવો ખુલાસો થયો છે કે તમે જીંદગીમાં જેટલા વધારે પૈસા કમાશો તેટલા વધારે ખુશી રહેશો.
સામાજિક સંશોધક મેથ્યુ એ. કિલિંગ્સવર્થેનો સ્ટડી
જેટલા વધારે પૈસા કમાશો તેટલા વધારે ખુશ રહેશો
પૈસા અને ખુશી વચ્ચે સીધો સંબંધ
પૈસા અને ખુશી વચ્ચે સીધો સંબંધ હોવાનું એક મોટા વૈજ્ઞાનિક સ્ટડીમાં જણાવાયું છે. તમારી પાસે જેટલા વધુ પૈસા હશે અથવા તમે જેટલા વધુ પૈસા કમાશો. તમે જેટલા વધુ ખુશ થશો. આ વાત એક ખૂબ જ મોટા અને નવા અભ્યાસમાં સામે આવી છે. આ પહેલા એક અભ્યાસ થયો હતો, જેમાં કહેવામાં આવ્યું હતું કે એક મર્યાદા બાદ તમારું ખુશીનું સ્તર બંધ થઇ જાય છે. પરંતુ સંશોધકોએ ફરીથી તેનો અભ્યાસ કરવાનું વિચાર્યું. જેથી વધુ પૈસાના કારણે ખુશી વધુ છે કે નહીં તે જાણી શકાય.
નવા સ્ટડીમાં સામે આવ્યાં આશ્ચર્યજનક પરિણામો
આ અભ્યાસના લેખક અને સામાજિક સંશોધક મેથ્યુ એ. કિલિંગ્સવર્થે જણાવ્યું હતું કે 2018માં એક અભ્યાસ થયો હતો જેમાં કહેવામાં આવ્યું હતું કે જો તમે અમેરિકામાં દર મહિને 60,000 ડોલરથી 75,000 ડોલર કમાઓ છો, તો તમારું ખુશીનું સ્તર શ્રેષ્ઠ છે. પરંતુ સ્તર પછી તે સમાપ્ત થઈ ગયું હોય તેવું લાગે છે. અથવા તો તે કોઈ જગ્યાએ અટકી જાય છે. આ તમને કોઈ પણ પ્રકારનો ભાવનાત્મક ટેકો આપતું નથી. પરંતુ અમારા નવા અધ્યયનમાં આશ્ચર્યજનક પરિણામો સામે આવ્યા છે.
મેથ્યુ એ. કિલિંગ્સવર્થે કહ્યું કે લોકો માટે એક મુશ્કેલ કામ એ છે કે તે કોઈ છેલ્લા પ્રસંગ મળેલી ખુશી યાદ રાખી શકતો નથી. તે એક વાર પણ કહી શકતો નથી કે તેને સૌથી મોટી ખુશી કેવી રીતે મળી. પરંતુ જ્યારે તેમાં પૈસાને જોડવામાં આવે ત્યારે તેને તત્કાળ યાદ આવી જાય છે પછી તે શોપિંગ હોય કે ડિનર કે પછી ક્યાંક ફરવા જવાનું હોય. કારણ કે આજકાલ લોકો કોઈ પણ ખુશીને પૈસાથી માપે છે. જો પૈસાનો યોગ્ય ખર્ચ કર્યો હોય તો તેને તે ઘટનાની યાદ રહેતી હોય છે.
જેટલી વધારે આવક તેટલો વધારે ખર્ચ અને પોતાને ખુશ રાખી શકે
કિલિંગ્સવર્થ કહે છે કે જેની પાસે એટલી આવક હોય કે તે વધુને વધુ ખર્ચ કરી શકે અને પોતાને ખુશ રાખી શકે, તો પછી તે આ કામ કરવામાં અચકાતો નથી. આ તમારામાં રહેલી નકારાત્મકતાને થોડા સમય માટે ઓછી કરી શકે છે. પરંતુ જે લોકો યોગ્ય રીતે કમાઇ નથી શકતા તેઓ એટલા ખુશ નથી. તેમને એટલું મનોરંજન કે સુખ મળી શકતું નથી. જો કે, આ અભ્યાસમાં પૈસા અને સુખનો કોઈ કટ-ઓફ પોઇન્ટ પ્રાપ્ત થઈ શક્યો નથી. પરંતુ આંકડા દર્શાવે છે કે વધુ પૈસા વધુ ખુશી લાવે છે.