ગુજરાતમાં છેલ્લા ત્રણ દિવસથી કમોસમી વરસાદ વરસી રહ્યો છે. ત્યારે કમોસમી વરસાદનાં કારણે ખેડૂતોને મોટું નુકશાન સહન કરવાનો વારો આવ્યો છે.
કમોસમી વરસાદના કારણે સાબરકાંઠામાં નુકસાન
ઘઉં,ચણા સહિતના ખેતરમાં ભરાયા પાણી
કમોસમી વરસાદથી પાકને નુકસાનની ભીતિ
ખેડૂતોએ સહાય જાહેર કરવા કરી માંગ
સાબરકાંઠા જીલ્લા માર્ચની શરૂઆત થી કમોસમી વરસાદ માવઠું થતાં સાબરકાંઠા જિલ્લામાં પાક નુકશાન બાબતે તંત્ર દ્વારા ગણતરીના દિવસોમાં ૮ તાલુકાઓમાં પાક નુકસાન નો સર્વે પુર્ણ થયો, ખેતી વિભાગ કે કર્યો રીપોર્ટ કે નુકસાન નથી તો ખેડુતો કહે છે કે કોઈ સર્વે માટે આવ્યુ જ નથી તો આ બાબતે હવે કિસાન સંઘ પણ લડી લેવાના મૂડમાં જોવા મળી રહ્યું છે આવનાર સમયમાં ખેડૂતોને ન્યાય નહીં મળે તો સરકાર સામે આંદોલનની વાત કરી છે.
જૂનાગઢમાં વાતાવરણમાં આવ્યો પલટો
માણાવદરમાં ગાજવીજ સાથે વરસાદ
વાવેતર કરેલ પાકને નુકસાનની ભીતિ
જૂનાગઢમાં વાતાવરણમાં પલ્ટો આવ્યો હતો. માણાવદરમાં ગાજવીજ સાથે વરસાદ પડ્યો છે. વાવેતર કરેલ પાકને નુકશાનની ભીંતી છે.
હવામાન વિભાગની આગાહી અનુસાર જૂનાગઢમાં કમોસમી વરસાદ પડ્યો.. જૂનાગઢના માણાલદરમાં ગાજવીજ સાથે વરસાદ પડ્યો.. કમોસમી વરસાદને કારણે વાવેતર કરેલ પાકને નુકસાન થાય તેવી ચિંતા ખેડૂતોમાં જોવા મળી.. કમોસમી વરસાદને કારણે ઉનાળું પાકને વ્યાપક પ્રમાણમાં નુકસાન થશે.
વલસાડ જિલ્લાના વાતાવરણમાં પલટો આવ્યો. દાદરા નગર હવેલી અને કપરાડા તાલુકાની હદ પર, માદોની, સિદોનીની બેડપા, ચિસદા, ભાઠેરી, ટુકવાડામાં કમોસમી વરસાદ પડ્યો. કમોસમી વરસાદને કારણે કેરીના પાકને નુકસાન થવાની ભીતિ. કમોસમી વરસાદથી ખેડૂતોમાં ચિંતાનો માહોલ જોવા મળ્યો. છેલ્લા 5 દિવસથી વલસાડમાં વાતાવરણમાં પલટો આવ્યો છે.
અમરેલીના જાફરાબાદ કોસ્ટલ બેલ્ટ વિસ્તારમાં કમોસમી વરસાદ પડ્યો છે. જેમાં જાફરાબાદના હેમાળ,કડીયાળી,ભાડા સહિતના ગામમાં વરસાદ પડ્યો છે. તેમજ ટીંબી ગામમાં કરા સાથે વરસાદ પડ્યો હતો. કમોસમી વરસાદથી તૈયાર પાકને નુકસાન થવાની ભીતિ ખેડૂતો સેવી રહ્યા છે.
પોરબંદરના બરડા પંથકમાં ભારે પવન સાથે વરસાદ
સોઢાણા, અડવાણા, ભેટકડી ગામમાં કરાનો વરસાદ
ભોમિયાવદર,પારાવાડા,મોરાણા ગામમાં કમોસમી વરસાદ
પોરબંદરના બરડા પંથકમાં ભારે પવન સાથે વરસાદ વરસવા પામ્યો હતો. સોઢાણા, અડવાણા, ભેટકડી ગામમાં કરા સાથે વરસાદ પડ્યો હતો. ભોમિયાવદર,પારાવાડા,મોરાણા ગામમાં કમોસમી વરસાદ વરસ્યો હતો. કમોસમી વરસાદ પડતાં ખેડૂતોની ચિંતામાં વધારો થવા પામ્યો છે. ત્યારે તૈયાર થયેલા પાકને વરસાદથી ભારે નુકસાનની ભીતિ છે.
અરવલ્લી જિલ્લામાં રાત્રી દરમિયાન કમોસમી વરસાદ
ધનસુરા તાલુકામાં એક ઇંચથી વધુ વરસાદ
મોડાસા તાલુકામાં અડધો ઇંચ વરસાદ
અરવલ્લી જિલ્લામાં રાત્રી દરમિયાન કમોસમી વરસાદ વરસ્યો હતો. ધનસુરા તાલુકામાં એક ઇંચથી વધુ વરસાદ વરસ્યો હતો. મોડાસા તાલુકામાં અડધો ઇંચ વરસાદ પડ્યો હતો. તેમજ અન્ય તાલુકામાં પણ વરસાદી માહોલથી ખેડૂતો મુશ્કેલીમાં મુકાયા હતા. ઘઉં,મકાઈ સહીત તડબૂચમાં ભારે નુકશાન થવા પામ્યું છે. સતત બે દિવસ વરસાદે ખેડૂતની મુશ્કેલી વધારી છે.
ડીસામાં છેલ્લા બે મહિનામાં સતત ચોથી વાર કમોસમી વરસાદ થતા ખેતી પાકને વ્યાપક નુકસાન થયું છે. રાજગરો, ઘઉં, સક્કરટેટી અને તરબૂચના પાકમાં વ્યાપક નુકસાન થતાં ખેડૂતો ને પડતા પર પાટુ જેવો ઘાટ સર્જાયો છે. ત્યારે નુકસાન ગ્રસ્ત ખેડૂતો સરકાર પાસે સહાયની માંગ કરી રહ્યા છે
ડીસા પંથકમાં તરબૂચનાં પાકમાં મોટા પાયે નુકશાનની સંભાવના
હવામાન વિભાગની આગાહી મુજબ વેસ્ટર્ન ડિસ્ટર્બન્સ ના કારણે ફરી એકવાર બનાસકાંઠા જિલ્લામાં કમોસમી વરસાદ થયો છે અને જિલ્લામાં સરેરાશ એક ઇંચ જેટલો વરસાદ ખાબક્યો હતો, તો ક્યાંક બરફના કરા સાથે પણ વરસાદ થતાં ફરી એકવાર ખેડૂતોને મોટુ નુકસાન વેઠવું પડ્યું છે. ખાસ કરીને ડીસા પંથકમાં શક્કરટેટી અને તરબૂચનું મોટાપાયે વાવેતર થયું છે જેમાં બરફના કરા અને ધોધમાર વરસાદના કારણે નુકશાન થવાની સંભાવના વધી ગઈ છે.
ઘઉં, રાજગરો, અને એરંડાનો પાક પણ જમીન દોસ્ત થઈ ગયો
આ સિવાય ઘઉં, રાજગરો, અને એરંડાનો પણ તૈયાર થયેલો પાક જમીનદોસ્ત થઈ ગયો છે ભારે પવન અને વાવાઝોડા સાથે કમોસમી વરસાદથી ખેડૂતો ના ખેતરોમાં તૈયાર થયેલો પાક ધોવાઈ જતા લાખો રૂપિયાનું નુકસાન વેઠવાનો વારો આવ્યો છે. એક તરફ મોંઘું બિયારણ, ખાતર ,ડીઝલ અમે વીજળી નો ઉપયોગ કરી સતત બે મહિના સુધી દિવસ સાત મજૂરી કરી ખેડૂતોએ પાક તૈયાર કર્યો હતો અને અને કુદરતે કહેર વર્તાવતા ખેડૂતો પાયમાલ થવાની કગાર પર આવી ગયા છે ત્યારે ખેડૂતોની માંગ છે કે સરકાર તાત્કાલિક ખેડૂતોને સહાય ચૂકવે નહીંતર ખેડૂતોની હાલત ખુબજ કફોડી બનશે.
કચ્છમાં કમોસમી વરસાદથી ખેતીમાં વ્યાપક નુકસાન
ભુજ સહિત તાલુકામાં ખેડૂતોને વ્યાપક નુકસાન
ગડા ગામમાં ખેતરોમાં ઘઉંના પાકને નુકસાન
કચ્છમાં કમોસમી વરસાદથી ખેતીમાં વ્યાપક નુકશાન થવા પામ્યું છે. ભુજ સહિતના તાલુકાઓમાં વ્યાપક નુકશાન થવા પામ્યું છે. ગડા ગામમાં ખેતરોમાં ઘઉંના પાકને નુકસાન વ્યાપક નુકશાન થવા પામ્યું છે. ગઈકાલે ભુજમાં 2 ઈંચ વરસાદ નોંધાયો હતો.
બનાસકાંઠા માં કમોસમી વરસાદ થી ખેડૂતો નાં પાકો ને નુકશાન વેઠવાનો વારો આવ્યો છે. ખેડૂતોના તૈયાર પાકો નષ્ટ પામ્યા છે બનાસકાંઠામાં ઘણા વિસ્તારોમાં કરા સાથે વરસાદ તેમજ ભારે પવન ફૂંકાતા ખેડૂતોના ઘઉંના પાકને ભારે નુકસાન પહોંચી છે ઘઉંનો પાક નષ્ટ પામે છે અને તેના કારણે ખેડૂતો આંસુ વહાવી રહ્યા હોય તેવા દ્રશ્યો જોવા મળી રહ્યા છે.
ગઢ પંથકમાં કરા સાથે વરસાદ પડ્યો
હવામાન વિભાગની આગાહી મુજબ સમગ્ર ગુજરાતમાં વરસાદ વરસી રહ્યો છે. થોડા દિવસ પહેલા પણ માવઠા નાં કારણે ખેડૂતો ને નુકશાન થયું હતી.જોકે હવે ફરીવાર કમોસમી વરસાદે ખેડૂતો ને રાતા પાણીએ રોવરાવ્યા છે. ત્યારે બનાસકાંઠામાં પણ કમોસમી વરસાદની આગાહી જે આપવામાં આવી હતી અને તેના કારણે કમોસમી વરસાદ રાત્રે ઘણા વિસ્તારોમાં થયો છે ત્યારે પાલનપુર તાલુકાના ગઢ પંથકમાં કરા સાથે વરસાદ તેમજ પવન ફૂંકાતા પાકોને નુકસાન થયું છે.
ઘઉંનાં પાક પર પાણી પડતા પાકો નષ્ટ પામ્યા
ખેડૂતો હાલ ઘઉ નાં પાક ની લાણની કરી છે ખેતર માં ઘઉં લણણી કરેલા પડ્યા છે.ત્યારે કરા સાથે વરસાદ પડતાં ખેતરો માં પાણી ભરાયાં હતાં.જેના કારણે ઘઉ નાં પાક ઉપર પાણી પડતા ઘઉં દિવેલા જીરુ રાજગરો સહિતના પાકો નષ્ટ પામ્યા છે. ખેડૂતોનાં મોઢે આવેલો કોળિયો છીનવાઈ ગયો છે. ખેડૂતો ની 4 મહિનાની મહેનત પાણી માં ગઈ છે. રાત્રિ નાં ઉજાગરા મોંઘા બિયારણો દવાઓ ખેડાઈ નાં ખર્ચ કરી વાવેતર કરનાર ખેડૂત હાલ લાચાર બન્યો છે. પોતાનો મહામૂલો પાક નષ્ટ થઈ જતા ખેડૂતો આશું વહાવી રહ્યા છે. ખેડૂતો ની માંગ છે કે સરકાર સહાય આપે નહીતો ખેડૂતો ને મારવાનો વારો આવે તેવું ખેડૂતો કહી રહ્યા છે..