સ્પોર્ટ્સ / ઈંગ્લેન્ડનો પરાજય થતાં ICC ટેસ્ટ ચેમ્પિયનશિપનાં મિજાજ અલગ

• ICCએ ઈંગ્લેન્ડ-વિન્ડીઝ ટેસ્ટ
• ટેસ્ટ મૅચમાં ઇંગ્લેન્ડનો પરાજય
• ICC ટેસ્ટ ચેમ્પિયનશિપના બદલાયા મિજાજ

ICCએ ઈંગ્લેન્ડ-વિન્ડીઝ ટેસ્ટ પૂરી થવાની સાથે જ વર્લ્ડ ટેસ્ટ ચેમ્પિયનશિપના પોઇન્ટ ટેબલને પણ અપડેટ કર્યું છે. આ અપડેટ મુજબ વિન્ડીઝની ટીમ આઠમા ક્રમેથી સાતમા ક્રમે પહોંચી ગઈ છે અને દક્ષિણ આફ્રિકાની ટીમ સાતમા ક્રમેથી આઠમા ક્રમે ધકેલાઈ ગઈ છે. ઈંગ્લેન્ડની ટીમે પોતાનું ચોથા નંબરનું સ્થાન તો જાળવી રાખ્યું છે, પરંતુ તેનો રનરેટ નીચે ગયો છે.
ICC ટેસ્ટ ચેમ્પિયનશિપના પોઇન્ટ ટેબલમાં ટીમ ઇન્ડિયા નવમાંથી સાત ટેસ્ટ જીતીને ટોચના સ્થાને છે. ભારતે અત્યાર સુધીમાં રમેલી ચાર ટેસ્ટ શ્રેણીમાંથી ત્રણ શ્રેણી જીતી લીધી છે, જ્યારે પાંચમી શ્રેણી ટીમ ઇન્ડિયાએ ઓસ્ટ્રેલિયાની ધરતી પર ડિસેમ્બરમાં રમવાની છે. આ શ્રેણી બાદ જ નક્કી થશે કે ICC વર્લ્ડ ટેસ્ટ ચેમ્પિયનશિપમાં નંબર વન કોણ બને છે, કારણ કે ભારત 360 પોઇન્ટ સાથે ટોચના સ્થાને જરૂર છે, પરંતુ બીજા નંબર પર 296 પોઇન્ટ સાથે ઓસ્ટ્રેલિયા છે.

ઈંગ્લેન્ડની વાત કરવામાં આવે તો આ તેની ત્રીજી શ્રેણી છે. આ પહેલાં ઈંગ્લેન્ડે ઓસ્ટ્રેલિયા અને બાદમાં દક્ષિણ આફ્રિકા સામે ટેસ્ટ શ્રેણી રમી હતી. એશીઝ તો  2-2થી ડ્રો રહી, પરંતુ ઈંગ્લેન્ડે દક્ષિણ આફ્રિકાને બહુ ખરાબ રીતે હરાવ્યું હતું. વધુ મેચની શ્રેણી હોવાને કારણે ટીમને અત્યાર સુધીમાં ફક્ત 146 પોઇન્ટ જ મળ્યા છે. જ્યારે ત્રણ મેચ જીતનારી ન્યૂઝીલેન્ડના 180 પોઇન્ટ છે, કારણ કે જ્યારે બે મેચની શ્રેણી રમાય છે ત્યારે એક મેચના 60 પોઇન્ટ મળે છે. ત્રણ મેચની શ્રેણીમાં એક મેચના 40 પોઇન્ટ હોય છે, જ્યારે ચાર મેચની શ્રેણીમાં એક મેચ જીતવા બદલ માત્ર 120 પોઇન્ટ મળે છે.