ઝાંસી / એક બંદર મોલ કે અંદર! વાંદરાએ મચાવી એવી ધમાલ કે લોકોના હાલ બેહાલ! વીડિયો વાયરલ

વાંદરાઓ ઝાડની ડાળીઓ પર કૂદતા સારા લાગે છે. જો તેઓ ભૂલથી નજીક આવી જાય તો તેમને કોઈ સહન કરી શકતું નથી, તેનું જીવતું જાગતું ઉદાહરણ છે એક વીડિયો જે હાલમાં ઈન્ટરનેટ પર વાયરલ થઈ રહ્યો છે. જેમાં ઉત્તર પ્રદેશના ઝાંસીના મૌરાનીપુર સ્થિત એક મોલમાં એક વાંદરાએ ભારે ખળભળાટ મચાવ્યો .
મોલમાં વાંદરાએ મચાવ્યો હંગામો

વાંદરો એવો હંગામો મચાવે છે કે શોપિંગ મોલમાં કપડાની દુકાનમાં અરાજકતા સર્જે છે. આ દરમિયાન વાંદરો ત્યાં હાજર ખરીદદારોને હેરાન કરે છે. આ ઘટનાનો વીડિયો જોયા બાદ યુઝર્સ પણ આવી સ્થિતિમાં પોતાની કલ્પના કરીને ડર અનુભવી રહ્યા છે. લોકોએ કમેન્ટ સેક્શનમાં પણ આ ઘટના પર આકરી પ્રતિક્રિયા આપી છે.
વાંદરાએ મોલમાં મચાવ્યો હાહાકાર...

વાંદરો સ્વભાવે તોફાની પ્રાણી છે. જો તે લોકોથી ભરેલી જગ્યાએ આવે તો લોકો માટે અરાજકતા સર્જાય તે સ્વાભાવિક છે. વાયરલ ક્લિપમાં વાંદરો મોલની અંદર આવી ગયેલો જોવા મળે છે. લગભગ 3.5 મિનિટના આ વીડિયોમાં વાંદરો એક છોકરીને પરેશાન કરતો જોવા મળે છે. તે તેના ખભા પર ચઢી જાય છે અને તેના વાળ ખેંચવાનું શરૂ કરે છે. છોકરી પોતાને બચાવવા માટે જમીન પર ઉભડક પગે પોતાને બન્ને હાથોથી સંકોચી મોં નીચુ કરીને બેઠી છે.. અને વાંદરો તેના ઉપર ચઢી જાય છે.. X પર આ વીડિયો પોસ્ટ કરતાં @indiavoicenews નામના હેન્ડલે લખ્યું- મંકીએ મોલમાં હંગામો મચાવ્યો. છોકરીને ખરાબ રીતે હેરાન કરી. યુવતી ચીસો પાડતી જોવા મળી હતી. આ વીડિયોને ઘણા હેન્ડલ્સ દ્વારા X પર પોસ્ટ કરવામાં આવ્યો છે. જેના પર યુઝર્સે ઉગ્ર કમેન્ટ પણ કરી છે.

અહીં મોલમાં ગ્રાહકો ચિંતિત જોવા મળે છે. પરંતુ કોમેન્ટ સેક્શનમાં યુઝર્સ વાંદરાને લઈને ફની રિએક્શન આપતા જોવા મળે છે. એક યુઝરની કોમેન્ટે ધ્યાન ખેંચ્યુ હતું, જેમાં તેણે કહ્યું હતું કે વાંદરો શોપિંગ કરવા માટે મોલમાં ગયો હશે.

આ પણ વાંચોઃ ઘોર કળિયુગ! પ્રેમિકા સાથે રંગરેલિયા મનાવતા પતિને પત્નીએ પેટ્રોલ છાંટીને જીવતો સળગાવ્યો

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ