એલાન / કેબિનેટ બેઠકમાં મોટો નિર્ણય લેવાની તૈયારીમાં મોદી સરકાર, જાણો કોને મળશે દિવાળીની 'ગિફ્ટ'

• કેબિનેટ બેઠકમાં લેવાશે મહત્વનો નિર્ણય
• આ કર્મચારીઓને મળી શકે છે દિવાળી ગિફ્ટ
• અલગ અલગ યોજનાની અપડેટ લેશે વડાપ્રધાન

કેબિનેટ બેઠકમાં કેન્દ્રિય કર્મચારીઓને મોંઘવારી ભથ્થુ 3% વધારવાનું એલાન કરવામાં આવી શકે છે. ગતિ શક્તિ પ્રોજેક્ટને પણ મંજૂરી મળવાની સંભાવના છે. થોડા દિવસ પહેલા જ PM મોદીએ આ પ્રોગ્રામને લૉન્ચ કર્યો છે. 

આ કામ પણ કરવામાં આવશે
પ્રધાનમંત્રી નરેન્દ્ર મોદીની અધ્યક્ષતામાં આ બેઠકમાં તમામ યોજનાઓ પર પ્રેઝન્ટેશન આપવામાં આવશે. વડાપ્રધાન નિયમિત રૂપથી આ પ્રકારની બેઠકો કરે છે. તેમાં મંત્રીઓ પ્રોજેક્ટ વિશેની અપડેટ આપે છે. જેથી તાજી જાણકારીઓ મળવામાં મદદ મળે છે. 

ઉલ્લેખનિય છે કે ગયા મહિને 28 સપ્ટેમ્બરે પ્રધાનમંત્રી મોદીની અધ્યક્ષતામાં કેન્દ્રિય મંત્રીપરિષદ કરવામાં આવી હતી તેમાં કેન્દ્રિય મંત્રી ગજેન્દ્ર સિંહ શેખાવત અને પીયુષ ગોયલે અલગ અલગ સરકારી યોજનાઓ વિશે પ્રેઝન્ટેશન આપ્યું હતું. આ પ્રેઝન્ટેશન પહેલા ચર્ચા પણ કરવામાં આવી હતી. 

અગાઉ બેઠક દરમિયાન, 14 સપ્ટેમ્બરે કેન્દ્રીય આરોગ્ય મંત્રી મનસુખ માંડવિયા અને શિક્ષણ મંત્રી ધર્મેન્દ્ર પ્રધાને કાર્યક્ષમતા અને સમય વ્યવસ્થાપન અંગે પ્રેઝન્ટેશન આપ્યું હતું. 14 મી સપ્ટેમ્બરે મંત્રી પરિષદની બેઠક પછી, સૂત્રોએ કહ્યું હતું કે આ મિટીંગ 'ચિંતન શિબિર' જેવી છે અને શાસનને વધુ સુધારવા માટે આવી વધુ મિટીંગો યોજાશે. ચિંતન શિબીરમાં પીએમ મોદીએ ભાર મૂક્યો હતો કે સાદું જીવન જ જીવવાની યોગ્ય રીત છે.