પ્રધાનમંત્રી મોદીએ દેશને લાલ કિલ્લાની પ્રાચીર ઉપરથી લગાતાર સાતમી વાર સંબોધન કર્યું હતું, જેમાં તેમણે અલગ અલગ ઘણા વિષયો પર વાતચીત કરી હતી જો કે આ સંબોધનમાં એક મુખ્ય મુદ્દો ભારતમાં છોકરીઓની વયની સમીક્ષા કરવાનો પણ હતો. પીએમ મોદીએ કહ્યું હતું કે લગ્ન વય નક્કી કરવા માટે અલગ અલગ સમિતિઓ બનાવવામાં આવી છે.
લાલ કિલ્લાની પ્રાચીર પરથી પીએમ મોદીએ કરી જાહેરાત
યુવતીઓની લગ્ન વયની સરકાર દ્વારા થઈ રહી છે સમીક્ષા
આ મામલે બનાવવામાં આવી છે અલગ અલગ સમિતિઓ
પીએમ મોદી આજે દેશને લાલ કિલ્લા પરથી સંબોધન કર્યું હતું, આજે જ્યારે કે દેશ તેનો 74મો સ્વાધીનતા દિવસ મનાવી રહ્યો છે ત્યારે પીએમ મોદીએ કોરોના સંકટની વચ્ચે દેશને આત્મનિર્ભર ભારત કેવી રીતે બનાવશું તે માટેની રૂપરેખા પ્રસ્તુત કરી હતી, તેમના સંબોધનમાં ઘણી મહત્વપૂર્ણ બાબતો સામેલ હતી પણ તેમ એક મહત્વપૂર્ણ મુદ્દો દેશમાં છોકરીઓની લગ કરવાની વયની સમીક્ષાને લઈને પણ હતો.
દેશની દીકરીઓને કરી સલામ
દેશના વિકાસ માટે લેવામાં આવતા મોટા પગલાઓની માહિતી આપતાં પીએમ મોદીએ દેશની દીકરીઓને સલામ પણ કરી હતી. પીએમ મોદીએ કહ્યું કે ભારતમાં છોકરીઓની લગ્નની વય અંગે સમીક્ષા કરવામાં આવી રહી છે. તેમણે કહ્યું કે લગ્ન માટે યોગ્ય વય માટે સમિતિઓ બનાવવામાં આવી છે. તેમણે કહ્યું કે પુત્રીઓના લગ્નની ઉંમર અંગેનો રિપોર્ટ આવતાની સાથે જ યોગ્ય નિર્ણય લેવામાં આવશે.
પીએમ મોદીએ પોતાના સંબોધનમાં કહ્યું કે ભારતની મહિલાઓનો ઉલ્લેખ કરતા પીએમ મોદીએ કહ્યું કે આજે ભારતમાં મહિલાઓ ભૂગર્ભ કોલસાની ખાણોમાં કામ કરી રહી છે, તો લડાકુ વિમાનોમાં પણ આકાશની ઊંચાઈને સ્પર્શી રહી છે. દેશમાં ખોલવામાં આવેલા 40 કરોડ જન ધન ખાતાઓમાંથી, લગભગ 22 કરોડ ખાતાઓ ફક્ત મહિલાઓના છે. કોરોના સમયે, એપ્રિલ-મે-જૂનમાં, આ ત્રણ મહિનામાં લગભગ ત્રણ હજાર કરોડ રૂપિયાની સહાય સીધા મહિલાઓના ખાતામાં ટ્રાન્સફર થઈ ગયા છે.
NCC બાબતે કરી હતી ટ્વિટ
પીએમ મોદીએ આજે કહ્યું હતું કે એનસીસીનો વિસ્તાર હવે દેશના 173 બોર્ડર્સ અને અન્ય કોસ્ટલ ઝોન્સ સુધી કરવામાં આવશે, આ પછી NCC માં આશરે એક લાખ નવા કેડેટ્સને તાલીમ દેવામાં આવશે, જેમાંથી એક તૃતીયાંશ મહિલાઓ હશે.
આ સાથે જ પીએમ મોદીએ ચીન અને પાકિસ્તાન બંનેને રોકડું પરખાવતા કહ્યું હતું કે દેશની સેના દુશ્મનોને તેમની જ ભાષામાં જવાબ આપવા માટે સક્ષમ છે, ભારતની સેનાનું પરાક્રમ દુનિયાએ લદ્દાખમાં જોઈ લીધું છે, અને ભારતની સંપ્રભુતાને સાચવવા માટે સેના ગમે તે પગલાં ભરવા સક્ષમ છે.