શરમજનક કૃત્ય / બિહાર: જેડીયુના ધારાસભ્યએ ટ્રેનમાં અર્ધનગ્ન થઈ ગાળાગાળા કરી, બાદમાં મુસાફરો સાથે કઈંક એવું કર્યું જે જાણીને ચોંકી જશો

• જેડીયુના ધારાસભ્યએ તમામ  હદો  વટાવી 
• ટ્રેનમાં અર્ધનગ્ન અવસ્થામાં મુસાફરો સાથે કરી લૂંટ 
• મહિલાઓ સાથે ટ્રેનમાં કરી ગાળાગાળી 

બિહારના ભોજપુરમાં જેડીયુના ધારાસભ્ય ગોપાલ મંડલ સામે FIR દાખલ કરવામાં આવી છે. તેઓ રાજેન્દ્રનગરથી દિલ્હી જઈ રહેલી ટ્રેનમાં બનિયાન અને અંડરવેરમાં ફરી રહ્યા હતા. તે સમયે તેમણે એક મુસાફર સાથે ગાળાગાળી પણ કરી હતી. આ સમગ્ર મામલે જેડીયૂના ધારાસભ્ય સહિત 4 લોકો સામે કસ થયો છે. 

ઈ મેઈલ દ્વારા આવેદન મળ્યું 

સમગ્ર મામલે રેલ વિકાસ બર્મનને ઈ મેઈલ દ્વારા આવેદન મળ્યું હતું જે મામસે પોલીસ અધીક્ષક દ્વારા ગુનો દાખલ કરવામાં આવ્યો છે. રેલ વિકાસ બર્મનના આદેશ પર જેડીયૂના ધારાસભ્ય ગોપાલ મંડલ, કુણાલ સિંહ, દિલ્લી કુમાર, અને વિજય મંડલ સામે એફઆઈઆર દાખલ કરવામાં આવી છે. 

મુસાફરો સાથે કરી લૂંટ 

પોલીસનું કહેવું છે કે ફરિયાદી મારામારી અને દાગીનાના લૂંટની ફરિયાદ નોંધાવી છે. સાથેજ ગાળાગાળી અને જાતિવિષિયક શબ્દોનો પણ તેના પર ઉલ્લેખ થયો હતો તે વાતનો તેણે ઉલ્લેખ કર્યો છે. જેથી પોલીસ આ મામલે તપાસ કરી રહી છે. 

ધારાસભ્ય ટ્રેનમાં અર્ધનગ્ન થઈને ફર્યા 

પ્રત્યક્ષદર્શીઓએ આપેલા નિવેદનને લઈ રાત્રીના 8 વાગ્યે ગોપાલ મંડલ તેના સાથિયાઓ સાથે ટ્રેનમાં અંડરવેર અને બનિયાન પહેરીને ફરી રહ્યા છે. જ્યા તેઓ  ફરી રહ્યા હતા ત્યા મહિલાઓ પણ યાત્રા કરી રહી છે. જેમાથી એક મહિલાએ તેમને ટુવાલ પહેરીને ફરવા માટે સલાહ આપી હતી. 

મહિલા સાથે ગાળાગાળી કરી 

મહિલાની સલાહને લઈને ધારાસભ્ય ભડકી ઉઠ્યા અને તેમણે ટ્રેનમાં તેમા સાથિદારો સાથે તે મહિલા સાથે ગાળાગાળી કરી હતી. બાદમાં તેની સાથે લૂટ કરીને તેને જાતિવિશયક શબ્દો પણ બોલ્યા અને તેના મોઢા પર ગંદુ પાણી પણ ફેક્યું હતું. ધારાસભ્ય સહિત તેના સાથિદારો તે સમયે દારૂના ચિક્કાર નશામાં હતા તેવું ફરિયાદીનું કહેવું છે. 

ટ્રેનમાં સવાર મુસાફરોએ મામલો થાળે પાડ્યો 

ઉલ્લેખનીય છે કે સમગ્ર મામલો ટ્રેનમાં એટલો ગરમાઈ ગયો હતો કે ટ્રેનમાં સવાર મુસાફરોએ વચ્ચે પાડીને ધારાસભ્યને શાંત પાડ્યા હતા. જોકે ધારાસભ્યની આ  કરતૂતને કારણે આજે તેની સામે ગુનો દાખલ થયો છે.