વિવાદ / ગાયબ થયેલા ચીની અરબપતિ જૅક મા અચાનક દુનિયા સામે આવ્યા, કહી દીધી આ મોટી વાત

• જૅક મા અચાનક આવ્યા દુનિયા સામે
• ક્યાં ગાયબ હતા જૅક મા ?
• ચીની સરકારે કર્યા હતા મજબૂર? 

ગ્લોબલ ટાઇમ્સે જૅક માને ઇંગ્લિશ ટીચર પાસેથી ઉદ્યમી બનવાની પ્રેરણા મળી છે તેમ કહ્યું છે, જૅક માના પરિચયમાં અલીબાબાની વાત કરવામાં આવી નથી, જેની સ્થાપના તેણે પોતે કરી છે. ચીનમાં અફવા ઉડી રહી છે કે જૅકમાની કંપની અલીબાબાનું નિયંત્રણ ચીન સરકાર પોતાના હાથમાં લઇ લેશે. 

જૅકમા થયા હતા ગાયબ 
આ પહેલા દુનિયાભરમાં મશહૂર ચીની અમીર વ્યક્તિ જૅક મા અચાનક ગાયબ થઇ ગયા હતા તે બાદ ઘણા સવાલ ઉભા થયા હતા. જૅકમાએ સરકારી બેઁકોની આલોચના કરી હતી. 

#Alibaba founder Jack Ma Yun @JackMa, the English teacher turned entrepreneur, met with 100 rural teachers from across the country via video link on Wednesday. “We’ll meet again after the [COVID-19] epidemic is over,” he said to them: report pic.twitter.com/oj2JQqZGnI

— Global Times (@globaltimesnews) January 20, 2021

જૅક મા માટે મુશ્કેલીઓ 
સરકારી બેઁકોની આલોચના બાદ જૅક માની મુશ્કેલીઓ વધી ગઇ હતી. જે બાદ જીનપિંગ સરકાર પર પ્રશ્નો ઉઠવા લાગ્યા હતા. જૅક મા પહેલા એવા ચીની નાગરિક નથી જેનાથી ડ્રેગન નારાજ થયુ છે. માર્ચમાં પ્રોપર્ટી બિઝનેસમેન રેન ઝીકીયાંગ પણ આ રીતે ગાયબ થયા હતા. તેણે કોરોના વાયરસ મહામારીથી ખરાબ રીતે પસાર થનાર જીનપિંગને જોકર કહી દીધો હતો. ગાયબ થયાના 6 મહિના બાદ તેને 18 વર્ષની સજા આપવામાં આવી હતી. 

ત્રણ વર્ષ માટે નજરબંધ 
વર્ષ 2017માં અરબપતિ ફાઇનાન્સર શિયાન જીયાનહુઆને હોંગકોંગની એક હૉટલમાંથી કાઢીને ચીન લઇ જવામાં આવ્યો હતો અને આ વાતની અધિકારીક જાણકારી કોઇની પાસે નથી પરંતુ તેને ત્રણ વર્ષ કરતા વધારે સમય નજરબંધ કરવામાં આવ્યો હતો. માત્ર બિઝનેસમેન જ નહી, ચીનના એવા લોકો વિરુદ્ધ અભિયાન છેડવાની આલોચના થતી રહે છે, જે ચીન સરકાર વિશે મોઢુ ખોલે છે. 

કેમ નિશાના પર જૅક મા
દુનિયાભરમાં કોરોડો લોકોના આદર્શ એવા જૅક માએ સરકારને આહ્વાન કર્યુ હતુ કે આવા સિસ્ટમમાં બદલાવ કરવામાં આવે જે બિઝનેસમાં નવા પ્રયોગો કરે છે અને તેને દબાવવામાં આવે છે. વૈશ્વિક બેઁકિંગ નિયમોને ઘરડા લોકોનો ક્લબ કહી દીધો હતો. આ ભાષણ બાદ જૅક ચીની સરકારના નિશાને હતો.