વર્ષ 2017માં ચાર લોકોએ ધ બિગ મૅપલ લીફ નામના સોનાના સિક્કાને જર્મની સ્થિત બોડ મ્યુઝિયમમાંથી ચોરી કરી લીધો હતો. આ મામલે થોડાં સમય અગાઉ સુનાવણી થઈ. પરંતુ શું તમે જાણો છે કે આ સિક્કાનો ઇતિહાસ ઘણો રોચક અને રસપ્રદ છે.
The Big Maple Leaf નામનો આ ગોલ્ડના સિક્કાની કહાની શરૂ થાય વર્ષ 2007થી. આ એ 5 સિક્કાઓમાંનો એક છે જેને રૉયલ કૅનેડિયન મિંટ (સિક્કા બનાવવાનું કારખાનું) બનાવ્યો હતો. આ સિક્કામાં રાણી ઍલિઝાબેથ 2ની ફોટો બનેલી છે અને દુનિયાનો બીજો સૌથી મોટો સિક્કો માનવામાં આવે છે. આ સિક્કાની કિંમત 30 કરોડ 38 લાખથી પણ વધારે છે અને વજન લગભગ 100 કિલો છે.
53 સેન્ટિમીટરના આ સિક્કાને એક અજ્ઞાત સંગ્રહકાર પાસેથી લોન પર લઈને બોડ મ્યુઝિયમ (Bode Museum)માં રાખવામાં આવ્યો હતો. કૅનેડિયન મિંટની કંપનીએ એક એવી ટૅકનોલોજી બનાવી હતી કે જેના દ્વારા તે 99.999 ટકા શુદ્ધ સિક્કા બનાવી શકતા હતા. 1982માં 99.99 ટકા શુદ્ધ સોનાનો સિક્કો બનાવ્યો હતો.
કૅનેડાના આર્ટિસ્ટે બનાવ્યો સિક્કા પર ફોટો
સિક્કા પર રાણી ઍલિઝાબેથ 2નો ફોટો કૅનેડાની આર્ટિસ્ટ સુઝાના બ્લંટે બનાવી હતી જ્યારે સિક્કાની બીજી તરફ તેણે એક મોટી મૅપલ લીફની તસવીર બનાવી હતી. 2007માં ધ બિગ મૅપલ લીફ નામના આ ગોલ્ડના સિક્કાને ગિનીસ બુક ઑફ વર્લ્ડ રૅકોર્ડમાં દુનિયાનો સૌથી મોટા સિક્કા તરીકે નોંધવામાં આવ્યો હતો. દુનિયાભરના લોકોમાં આ સિક્કાને લઈને એટલી ઉત્સુકતા રહી હતી અને કદાચ એટલે જ 2017માં આ સિક્કો ચોરોની નજરમાં પણ આવી ગયો.
સિક્કાને ચોરવા માટે બનાવાયો ગજબનો પ્લાન
27 માર્ચ 2017માં જર્મની સ્થિત બોડ મ્યુઝિયમમાંથી ચોરી લેવામાં આવ્યો. જો કે સિક્કો ઘણો ભારે હતો એટલે તેને ચોરવા માટે સીડી એક થેલો અને જાડી દોરીનો ઉપયોગ કરાયો હતો. આ મામલાની તપાસ દરમ્યાન પોલીસે ચાર ચોરોની ધરપકડ તો કરી લીધી પરંતુ સિક્કો મળ્યો નહી. જો કે તપાસ દરમ્યાન પોલીસને ગોલ્ડ ડસ્ટ મળી જેથી અંદાજો લગાવાઈ રહ્યો છે કે ચોરોએ સિક્કાને ઓગાળીને ઉપયોગ કર્યો હશે. આ મામલે ચારેય ચોર ટ્રાયલ પર છે અને સિક્કાના કોઈ સમાચાર નથી.