ઍલર્ટ / કાળઝાળ હીટવેવથી સાચવજો નહીં તો....! દેશના અનેક રાજ્યોમાં પડશે રેકોર્ડતોડ ગરમી, આ રીતે મેળવો રક્ષણ

 

• હીટવેવના એટેક માટે રહો તૈયાર 
• પાંચ દિવસમાં પાંચ ડિગ્રી વધશે તાપમાન
• મોટા ભાગના રાજ્યોમાં 40 ડિગ્રી વટાવશે પારો

દેશના ઘણા રાજ્યમાં ફેબ્રુઆરીમાં જ રેકોર્ડતોડ ગરમી પડી રહી છે. હવામાન વિભાગે એલર્ટ જાહેર કર્યું છે કે દેશના મોટા ભાગના રાજ્યોમાં આ મહિનાના અંત સુધીમાં કાળઝાળ ગરમી અત્યાર સુધીના તમામ રેકોર્ડ તોડશે. હવામાન વિભાગે જાહેર કરેલા સ્પેશિયલ એલર્ટમાં જણાવાયું છે કે, ખાસ કરીને દિલ્હી સહિત ઉત્તર-પશ્ચિમ, મધ્ય અને પશ્ચિમ ભારતના મોટાભાગના વિસ્તારો હીટવેવની ઝપેટમાં આવશે. 

સામાન્ય કરતા 4-5 ડિગ્રી વધારે રહેશે લઘુત્તમ તાપમાન
આગામી પાંચ દિવસમાં દેશના આ વિસ્તારોમાં લઘુત્તમ તાપમાન સામાન્ય કરતા 4-5 ડિગ્રી વધારે રહેશે. રાજધાની દિલ્હીમાં ગઈકાલે મહત્તમ તાપમાન 31.4 ડિગ્રી સેલ્સિયસ નોંધાયું હતું, જે સામાન્ય કરતા સાત ડિગ્રી વધુ હતું. દિલ્હીમાં સવારે ધુમ્મસ છવાયેલું રહે છે. જો કે આજે આખો દિવસ હવામાન સાફ અને સૂકું રહેશે. આજે પણ દિલ્હીનું મહત્તમ તાપમાન 11 ડિગ્રી આસપાસ રહી શકે છે. નોઈડામાં લઘુત્તમ 12 ડિગ્રી અને મહત્તમ 30 ડિગ્રી, ગાઝિયાબાદમાં લઘુત્તમ 14 ડિગ્રી અને મહત્તમ 28 ડિગ્રી અને ગુરુગ્રામમાં લઘુત્તમ 12 અને મહત્તમ તાપમાન 27 ડિગ્રી રહેવાની સંભાવનાઓ છે.

માર્ચમાં 40 ડિગ્રીની આસપાસ પહોંચશે તાપમાન
ગુજરાત, રાજસ્થાન અને મહારાષ્ટ્રના કેટલાક વિસ્તારોમાં તાપમાન અત્યારથી 35થી 39 ડિગ્રીના રેન્જમાં આવી ગયું છે. આ સાથે હવામાન વિભાગે એવી પણ ચેતવણી આપી છે કે માર્ચ સુધીમાં દેશના મોટાભાગના રાજ્યોમાં તાપમાન લગભગ 40 ડિગ્રીની આસપાસ પહોંચી જશે. ઉત્તર પ્રદેશની રાજધાની લખનઉમાં પણ આજે મહત્તમ તાપમાન 33 ડિગ્રીની આસપાસ નોંધાશે. 

ગરમીનો પારો ઝડપથી વધશે
દિલ્હી, ઉત્તર પ્રદેશ, હરિયાણા, પંજાબ, રાજસ્થાન, ગુજરાત, મધ્ય પ્રદેશ અને મહારાષ્ટ્રમાં આવનારા દિવસોમાં ગરમીનો પારો ઝડપથી વધશે. પહાડી રાજ્યો હિમાચલ પ્રદેશ અને ઉત્તરાખંડમાં પણ મહત્તમ તાપમાન સામાન્યથી વધુ એટલે કે પાંચથી 11 ડિગ્રી સુધી વધુ ઉપર જઈ શકે છે.