આગાહી / રાજ્યમાં બેવડી ઋતુ વચ્ચે પડશે કમોસમી વરસાદ, આ તારીખે માવઠાની આગાહીથી ખેડૂતોની ચિંતા વધી  

• રાજ્યમાં બેવડી ઋતુ વચ્ચે માવઠાની આગાહી
• 7 માર્ચે દક્ષિણ ગુજરાતમાં થઈ શકે વરસાદ
• સામાન્ય વરસાદ સાથે થંડરસ્ટોર્મની શક્યતા
• અન્ય જિલ્લામાં શુષ્ક રહેશે વાતાવરણ

રાજ્યમાં બેવડી ઋતુ વચ્ચે માવઠાની આગાહી

રાજ્યમાં હજુ રાત્રે અને વહેલી સવવારે ઠંડીનો આંશિક ચમકારો અનુભવાય છે. જ્યારે દિવસ દરમિયાન ઉનાળાની કાળઝાળ ગરમીનો અહેસાસ વર્તાય છે. એવામાં હવામાન વિભાગ ફરી એક વખત રાજ્યના વાતાવરણમાં પલટો આવવાની સંભાવના વ્યક્ત કરાઈ છે. જેને લઈને ખેડૂતોમાં ચિંતા વ્યાપી જવા પામી છે. 

સામાન્ય વરસાદ સાથે થંડરસ્ટોર્મની શક્યતા

હવામાન વિભાગના જણાવ્યા અનુસાર દક્ષિણ ગુજરાતના ડાંગ, તાપી અને નર્મદા સહિતના જિલ્લાઓમાં આગામી 7 માર્ચે હળવા વરસાદની સંભાવના છે. જેને લઈને રાજ્યના અન્ય ભાગોમાં ઠંડો પવન ફૂકાઈ શકે છે. હવામાન વિભાગની કમોસમી વરસાદની આગાહીના પગલે પાકને નુક્સાનની ભીતિ સેવાઈ રહી છે. ફરીથી એક વખત કમોસમી વરસાદની આગાહીના કારણે ખેડૂતોની ચિંતા વધી જવા પામી છે.

રાજ્યમાં અનેક વિસ્તારોમાં તાપમાન યથાવત રહેવાનું અનુમાન

જ્યારે રાજ્યના કેટલાક જિલ્લાઓનું વાતાવરણ શુષ્ક રહેવાની સંભાવનાઓ રહેલી છે. જેને લઈને રાજ્યના અનેક વિસ્તારોમાં મહત્તમ તાપામાન અને લઘુત્તમ તાપમાનનું પ્રમાણ યથાવત રહેવાનું અનુમાન રાજ્યના હવામાન વિભાગ દ્વારા કરવામાં આવ્યું છે.