આગાહી / રાજ્યમાં જામ્યો વરસાદી માહોલ: આ જિલ્લાઓમાં પડી શકે છે ભારે વરસાદ, હવામાન વિભાગની આગાહી

• રાજ્યના 114 તાલુકાઓમાં 4 ઈંચ સુધીનો વરસાદ 
• અમદાવાદમાં હળવાથી મધ્યમ વરસાદની આગાહી 
• આ જિલ્લાઓમાં 20 થી 21 જૂન વચ્ચે પડી શકે ભારે વરસાદ 

ગુજરાતમાં ચોમાસું આગળ વધી રહ્યું છે. એક દિવસમાં રાજ્યમાં 114 તાલુકાઓમાં વરસાદ પડ્યો છે. 114 તાલુકામાં સરેરાશ 1 મિલીમીટરથી લઈને 4 ઈંચ સુધી વરસાદ નોંધાયો છે. હવામાન વિભાગે 20 થી  21 જૂનથી વરસાદ પડી શકે તેવી આગાહી કરી છે તેમજ હવામાન વિભાગની આગાહી મુજબ અમદાવાદમાં રવિવાર સુધી હળવાથી મધ્યમ વરસાદની આગાહી છે. સાથે જ ઉત્તર ગુજરાતના જિલ્લાઓમાં હળવાથી મધ્યમ વરસાદ પડી શકે છે.

રાજ્યના 114 તાલુકાઓમાં 4 ઈંચ સુધીનો વરસાદ 

મહત્વનું છે હવામાન વિભાગની આગાહી વચ્ચે મધ્ય અને દક્ષિણ ગુજરાતમાં વરસાદી માહોલ છે. જ્યારે આણંદ, વડોદરામાં તો દક્ષિણ ગુજરાતમાં સુરત, વલસાડ, નવસારી, તાપી સહિતના સ્થળે વરસાદ વરસ્યો છે. ગુજરાતમાં આજે સવારે 6 થી 8માં રાજ્યના 25 તાલુકામાં વરસાદ પડ્યો હતો. સૌથી વધારે આણંદમાં 4.6 ઈંચ વરસાદ ખાબક્યો હતો. સુરતના ઓલપાડ 2.5 ઈંચ, સુરતના ચોરયાશીમાં અઢી ઈંચ, આણંદના પેટલાદમાં 1.5 ઈંચ અને બોટાદના બરવાળામાં અડધો ઈંચ  ખાબક્યો હતો. 

નવસારીના ગણદેવીમાં 5.7 ઈંચ વરસાદ 

રાજ્યમાં જેમાં સૌથી વધારે વરસાદ નવસારીના ગણદેવીમાં 5.7 ઈંચ વરસાદ ખાબક્યો હતો. આ પછી વલસાડ શહેરમાં 5.5 ઈંચ, પારડીમાં સાડા 4 ઈંચ વરસાદ, વલસાડના ઉમરગામમાં 4 ઈંચ, ભાવનગરના ગારિયાધારમાં 4 ઈંચ, ભાવનગર શહેરમાં 3 ઈંચ, બનાસકાંઠાના વડગામમાં 3 ઈંચ, સુરત શહેર અને નવસારીમાં 3 ઈંચ, નવસારીના જલાલપોર અને ખેરગામમાં 2.8 ઈંચ, નવસારીના ખેરગામમાં 2.7 ઈંચ, અમરેલીના લાઠીમાં 2.6 ઈંચ, ભાવનગરના ઉમરાળામાં 2.4 ઈંચ, વલસાડના વાપીમાં , ભાવનગરના વલ્લભીપુરમાં, સુરતના ઓલપાડમાં 2 ઈંચ વરસાદ, જામનગરના કાલાવાડ અને આણંદના તારાપુરમાં 1.8 ઈંચ વરસાદ પડ્યો હતો. 

ગારીયાધાર 4 ઇંચ વરસાદ ખાબક્યો
બીજી તરફ ગારીયાધાર 4 ઇંચ વરસાદ ખાબક્યો, જ્યારે વલસાડ 3.75 ઇંચ, ભાવનગર 2.75 ઇં, લાઠી  2 ઇંચ, ઉમરગામ 2 ઇંચ, નવસારી 2 ઇંચ,જલાલપોર 2 ઇંચ,કાલાવાડ 1.75 ઇંચ,વાપી 1.25 ઇંચ,જસદણ 1.25 ઇંચ,તારાપુર 1.5 ઇંચ,પાદરા 1.5 ઇંચ